Sins Lâka 13:21 - DAWAN BÎLA AISKA

²¹ Trabil lika upla saurakira nani nina blikisa, sakuna kasakkira nani ra mana diara yamni pali yaban kabia.

Sins Lâka 13:21 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 32:10

Watawikira nani pât ailal wahwi kabia; sakuna Dawan kat luki tniwi uplika nani ba, Dawan ai latwanka lâka ba ni uplika ba kir kutbi bribia.

Lawana Nani 54:5

Witin bui sika, yang ra saura ai munaia pliki nani ba, pana witin mapara bûi banhbia. Sauhki tiks, Dawan, kan man sika kasak sma bamna; yang prisant sakripaiska ba maikamni, bara ninam ba mayunamni, man ba kasak sma,

Sins Lâka 11:31

Kasakkira ba naha tasba ra ai mana bribia kaka, ¡nahki kau aitani sa rugkira nani bara saura dadaukra nani ra!

Sins Lâka 13:13

Bîla smalkan nani ba wina kum bahki kulkbia uplika ba lika ai bîla saki inbia, sakuna lâ bîla ra sibrin luki uplika ba, ai mana bribia.

Sins Lâka 17:13

Yamni ba mana saura ni yabi uplika ba, saura ba witin ai watla wina takbia apia.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Aiseya 47:11

Sakuna diara saura ba ban man puramra balbia, sukia warkka daukisma ba mita sip takaskbia apia; diara saura tara kum man puramra kauhbia, man mita sip takaskma apia; pât kum man bîla kaikras sma ba damra walras kira aihni puramra balbia.

Isikiel 7:5

“Yang Dawan sna ba, naku wisni: Kaiks piua tnata ba pat aula.

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Apastil Nani Sturka 28:4

Baha kî dakura uplika nani kaikan, Pal mihta ra piuta ba aipami kan, bara pana pana aisi kan: “Naha waitna na upla âikra kan baku sa, kan witin kabu wina swakwan, sakuna Gâd mita lâ wapni kat dauki ba mita sip swika kau raya taukbia apia.”