Sins Lâka 13:14 - DAWAN BÎLA AISKA

¹⁴ Upla sinskira smalkanka ba lika raya kaia lâka kârma sa, bara pri mai sakan kabia prura wilkanka ba wina.

Sins Lâka 13:14 ပူးပေါင်းရင်းမြစ်များ

Lawana Nani 116:3

Prura kiwka nani ba, kutbi kir ai brin, prura pâtka nani sin ai alkan, prura pâtka sibrin bara wîni latwanka ai alkan.

Lawana Nani 18:5

Pruan ba ai kiwka ni kir ai blakan; ¡ai ikaia kiwka nani ra ai mangkan sa!

Sins Lâka 10:11

Upla kasakkira bîla ba, raya kaia laya kârma sa, sakuna upla watawi nani bîla ba, rausauhkan lâka ni pura praki brisa.

Sins Lâka 14:27

Dawan ra kulkanka yabaia ba raya kaia laya kârma sika; baha mita prura wan mina ra alki ba wina swaki wan sakisa.

Sins Lâka 15:24

Tânkira muni uplika mapara, raya kaia yabalka bîla ba, pura tani auya; bara pri sakisa sinskira nani ra, raiti bilara iwi waia ba wina.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 16:22

Diara tânka kaikaia lâka brih uplika mapara, raya kaia laya kârma sa; taniskira nani ra diara smalki ba sin, tanis lâka pali man sa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 9:11

Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

1 Samuil 25:33

bara man sin yamni pali kama lâmka yamni brisma ba tâwan naiwa man bui ai takaskram, yang bui tala laikaia kapri mihti ni, kasakka lâka daukaia ba wina.