Sins Lâka 13:13 - DAWAN BÎLA AISKA

¹³ Bîla smalkan nani ba wina kum bahki kulkbia uplika ba lika ai bîla saki inbia, sakuna lâ bîla ra sibrin luki uplika ba, ai mana bribia.

Sins Lâka 13:13 ပူးပေါင်းရင်းမြစ်များ

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Esdras 10:3

Bamna kaiks, nanara yang nani pramis takaisna, man wan smalkisma baku wala nani sin Gâd lâka kulki ba baku, yang nani daukaisna: wan mairka nani ba sut pliska ra bliki banhwaisna, ai luhpia nani sin, bara lâ ulbanka ba aimakbia, man bara wala nani brinkam ba kat.

Lawana Nani 115:13

Dawan ra sibrin luki uplika nani ra yamni munamni, sirpi nani ra bara tara nani ra sin.

Lawana Nani 119:165

Baha nani smalkankam ra latwan kaiki ba kupia kumi lilia brisa; bara ai mina batakaia âpu sa.

Lawana Nani 19:11

Baha lâka nani ba mita, naha nampakan sna na kupia kraukuya; baha lâka bîla nani wali dauki ba wina, nampakan ra diara yamni uya takisa.

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Impakan Sturka 9:20

King fero uplika tara nani tilara baha walan ba ra, witin nani sibrin takan, Dawan mita baku witin nani ra ai maisa pakan ba dukiara. Bamna witin nani wan ba ra, ai albika nani bara baku sin ai daiwra nani sut ba watla ra dingki yukukan.

Sins Lâka 1:25

Kau ni maipara bahki kulkram, yang kupiam kraukanka maikri ba, man brin mai daukras kan, yang smalkanki ba sin.

Sins Lâka 13:12

Wan kanra briaia luki ba, wihka takaski ba mita, wan kupia ba sari wahwisa, sakuna yawan brin wan dauki ba bal takan ba ra, raya kaia dusa ba baku sa.

Sins Lâka 13:21

Trabil lika upla saurakira nani nina blikisa, sakuna kasakkira nani ra mana diara yamni pali yaban kabia.

Sins Lâka 16:20

Ya pain pura kaiki tâ bribia ba, diara sut ra pain baman kabia, ¡yamni kabia baha nani Dawan ra kasak luki ba!

Sins Lâka 19:16

Lâ bîla ban bri yamni dauki uplika ba, ai rayaka main kaikisa; kuna Dawan smalkanka alki briras uplika ba lika prubia.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 43:2

Azarías Hosaías luhpia, Johanán Caréah luhpia, waitna wala nani sin praut lâka bri nani ba, Jirimaya ra win: “¡Man aisisma ba kunin! Dawan wan Gâdka mai wiras ai wiaia yang nani Idsip ra wih iwaia apia.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:16

kan yang lâika nani ba lulkan bamna, witin nani lâika bîla walras, riski yua nani ba bahki daukan, kan kupia nani ba ai aidulka nani ninara wan.

Isikiel 20:24

Dîa muni lâika nani ba daukras kan, lâika nani ba bahki kulkan, yang riski yua nani ba tâski daukan bara ai nakra nani ba ai aisika nani aidulka ba baman kaiki kan.

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Kulki Kaikanka 15:31

kan yang bîli ba bahki kulkan sa, lâ mangkri ba sin kulkras; bamna diara sut wina sakan kabia bara ai saurka karbanka ba yarka yakan twilkbia.”

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 16:31

Sakuna Ebraham bila: ‘Moses bara prapit nani ra sin bîla walan daukras banhwisa kaka, pruan wina kum wih smalkbia sin, walbia apia.’

2 Jan 1:8

Man nani aman pali kaiki bas, baku lika warkkam mana tikma apia, sakuna mamna aiska pali ba brima.