Sins Lâka 13:10 - DAWAN BÎLA AISKA

¹⁰ Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Sins Lâka 13:10 ပူးပေါင်းရင်းမြစ်များ

1 King Nani 12:16

Israel luhpia nani sut kaikan king ba witin nani ra walras kan, bara pana naha bîla nani win: “¡Yang nani lika Debit wal diara daukaia âpu! ¡Jesé luhpia prapatika ba wal yang nani diara âpu! ¡Israel luhpia nani, wamtla ra was! ¡Bara Debit lika ai watla uplika ba main kaikbia!” Bamna Israel luhpia nani sut mahka ai watla nani ra wan.

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

Sins Lâka 13:11

Upla kunin lâka wina ai yuyaka ailal saki ba, pat pali sirpi takbia, sakuna ai mihta warkka ni tawa tawa wahbi ba, diara ailal sakisa.

Sins Lâka 13:9

Kasakkira nani ba lamp kum baku ingwisa, watawikira ba lamp kum daswan ba baku sa.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Sins Lâka 19:20

Lâ tânka mai smalki ba wals, bara kupia krauki ba alki bris, baha mita man almuk takma bara sinskira kama.

Sins Lâka 20:18

Yawan daukaia luki paski ba wih wan kupia krauki ba wal praki alki, bara kasak paskisa; warbanka pain kum dauki warkka ba pain daukisa.

Sins Lâka 21:24

Praut lâka ra ai wîna tara puli uplika ba nina, “Lawaska Kakikra” mâkan sa, witin ai kupia baiki praut luki ai warkka dauki ba.

Sins Lâka 25:8

bara baha wina wal unsabaia, lâ mawanra dimpara, kan witnis wala bâra sa man aisisma ba bahki wiaia, bara tnata ra man pana dîa wiaia tânka briras kama.

Sins Lâka 28:25

Gridikira uplika ba aiklaban bukisa, sakuna Dawan kat luki tniwi uplika mapara diara sut pain takbia.

Luk 22:24

Disaipil nani ai tilara blahwan kum bri kan, baha ba lika ya kau tara kulkan kabia dukiara.

1 Timoti 6:4

witin ba prautkira sa, bara diara tânka briras. Witin ba bîla nani dukiara baman aisi blahwaia sikniska alkisa; bara naha wina sika tuman lâka, unsaban nani, upla ra saura wiaia lâka, upla bara diara kumi ra sin sip kasak lukras kaia lâka taki ba;

Jems 4:1

¿Man nani tilamra, ani wina war nani bara aiklabanka nani ba takisa ki? Brinkam saura nani wînam ra ban aiklabi ba wina takisa.

Wihta Nani 19:30

Bara upla sut baha wîna kaikan ba, aisin: —Israel luhpia nani Idsip wina bal takan ba yua wina, yawan nahmuna diara saura sâtka kau kaikras kan. Bamna naha dukiara diara kum daukaia luki kaikaia sa.