Sins Lâka 12:28 - DAWAN BÎLA AISKA

²⁸ Kasakka lâka yabalka ra ba, rayaka bâra ba kat brih wîsa, taniskira yabalka ba lika, prura ra wan brih auya.

Sins Lâka 12:28 ပူးပေါင်းရင်းမြစ်များ

Sins Lâka 10:16

Upla kasakkira ai warkka taki ba mana sika rayaka ba; upla watawikira nani dâki ba, mâ nani sika, saurka lâka ba.

Sins Lâka 10:2

Wan yuyaka nani lâ watawi mita kukan ba, wan hilpka kabia apia sa, sakuna kasakka lâka lika, prura wina wan dakbi wan sakisa.

Sins Lâka 11:19

Kasakka lâka ninara wama kaka, raya kaia lâka ra wan brih wabia, sakuna saura lâka nina bliki uplika lika, pruaia man plikisa.

Sins Lâka 8:35

Kan yang ai sakaia ba, sim rayaka pliki sakaia ba baku sa, bara Dawan kupia yamnika lâka bribia.

Sins Lâka 9:11

Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

Jirimaya 21:8

‘Naha bîla na sin man upla nani ra wis, yang Dawan sna ba, naku wisni: Bâk saki briaia yabalka nani yang bui man nani ra maikisna, raya kaia yabalka ba pruaia yabalka ba wal.

Isikiel 18:9

yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Kli Smalkanka 30:15

“Bara kaiks naiwa man nani mamwanra rayaka bara yamnika ba swisna, prura bara saurka ba, bara ani ba brima.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

1 Jan 2:29

Man nani pat kaikisma Jisas Kraist lika kasakkira sa; baku bamna, kaiki kaia sma ani uplika nani kasakka lâka dauki ba sika, Gâd luhpia nani sa.

1 Jan 3:7

Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.

3 Jan 1:11

Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.