Sins Lâka 12:19 - DAWAN BÎLA AISKA

¹⁹ Wan bîla kasak tânka aisi ba ban kaia ra bâra kabia, sakuna twisa kuninkira lika piua kunhku baman dukiara sa.

Sins Lâka 12:19 ပူးပေါင်းရင်းမြစ်များ

1 King Nani 13:18

Bara almuk ba kli kli aisi kan: —Yang na sin man wal baku prapit kum sna, bara insal kum Dawan blikan, yang ra ai win: ‘Man bui witin ba wamtla ra bri bal, baku mika plun pibia, lî sin dibia.’ Baku prapit ba kunin munan.

2 King Nani 5:26

Bara Ilaidsa kli makabi walan: —Yang kupi ba sin bâra kan baha waitnika man wal prawaia ai waginka ba wina bal iwata ba ra. Sakuna piua apia sa lalah briaia, bara prâk nani, dus nani, wain nasla nani, sîp nani, bîp bul nani, alba waitna bara mairin nani sin briaia.

Job 20:5

upla watawikira liliaka ba, piu prahni baman sa; ai âuyapah lâka ba minit lupia kumi baman sa.

Lawana Nani 52:6

Dawan ra bîla wali nani ba, naha kaikbia bara sibrin daukbia; sakuna lawaska kiki wibia, baha uplika ba dukiara naku aisi:

Sins Lâka 12:20

Baha nani diara saura luki paski ba kupia ra kunin man bâra sa, sakuna diara yamni luki ba kupia ra lika lilia lâka bâra sa.

Sins Lâka 19:9

Witnis kuninkira ba lika pâtkas kulkan kabia apia; prura ba kuninkira ba bîla kaikisa.

Matiu 24:35

Kasbrika tasba wal lui wabia, sakuna bîli nani lika aimakan kabia.