Sins Lâka 12:16 - DAWAN BÎLA AISKA

¹⁶ Upla taniskira ai kupia sauhki ba mahka param sakisa, sakuna aman kaiki uplika lika lahtubanka ba uya lukras.

Sins Lâka 12:16 ပူးပေါင်းရင်းမြစ်များ

Job 5:2

Sari lâka ra, apia kaka kupiam pât wahwanka ra kauhaia ba, pat ban pruaia ra wan brih wisa.

Sins Lâka 10:12

Misbara lâka ba unsaban lâka nani bukisa, sakuna latwan lâka lika, lâ sauhkanka nani ra pura praki bikisa.

Sins Lâka 12:17

Kasak tânka aisi uplika ba kasakka lâka dahra aisi sakisa, sakuna witnis kuninkira maisa paki ba, kunin baman aisisa.

Sins Lâka 14:33

Diara tânka luki kaiki uplika kupia ra, sins lâka iwi takaskisa, sakuna taniskira nani tilara lika, kakaira sin apia sa.

Sins Lâka 16:22

Diara tânka kaikaia lâka brih uplika mapara, raya kaia laya kârma sa; taniskira nani ra diara smalki ba sin, tanis lâka pali man sa.

Sins Lâka 17:9

Lâ sauhkanka ban swih tiki uplika ba, latwan lâka paskisa; kuna dahra kli kli saki ba lika, ai libraka aihka dakbi sakisa.

Sins Lâka 25:28

Tawan kaina kutbras baku sa bara pât dimaia ba sin isi sa, baku sa ya ai spiritka sip alki takaskras ba.

Sins Lâka 27:3

Walpa lika wirha, kabu auhya wirhika sin tara sa; sakuna baha wâlsut ba wal kanra wirha sa upla taniskira kupia baiwanka ba.

Sins Lâka 29:11

Upla taniskira ai kupia laptika tara ba sut saki aisisa, sakuna sinskira ba baha alki takaski ai kupia daskisa.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.