Sins Lâka 12:14 - DAWAN BÎLA AISKA

¹⁴ Waitna ba ai bîla wina yamni aisin mâ nani ba kriki brisa, bara sin dîa dauki ba kat ai mana brin kabia.

Sins Lâka 12:14 ပူးပေါင်းရင်းမြစ်များ

Job 34:11

Witin lika upla bani ai warkka nani ba kat mana aibapisa, upla bani dîa briaia ba kat yabisa.

Lawana Nani 63:5

Yang âuyapah pali takamni, upla nani pata tara kum ra, pih ai âuyapah lilia taki ba baku, bara yang bîli ba liliakira man ra mamyunbia.

Sins Lâka 1:31

¡Ai daukanka tâka mita, pât wauhbia! ¡Saura daukaia lâka bri ba ni aibanhbia!

Sins Lâka 13:2

Upla ai bîla aisinka mâ ba wina diara yamni pibia, sakuna upla âiatkra ba, plun dauki baku sa saura munaia mapara.

Sins Lâka 14:14

Taniskira ba ai âuyapah sa ai daukanka ra, sakuna upla yamni lika, ai yabalka ba ai âuyapah kabia.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.