Sins Lâka 11:9 - DAWAN BÎLA AISKA

⁹ Watawikira ai bîla aisinka ba ni ai uplika ra sauhki tikisa, kuna kasakkira nani lika sins lâka kaiki ba mita pri sakan kabia.

Sins Lâka 11:9 ပူးပေါင်းရင်းမြစ်များ

1 King Nani 22:6

Bara Israel kingka mita prapit nani 400 asla dauki, baha nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Aiklas, Dawan bui king lâka man mihtam ra mangkaia sa bamna.

Job 34:30

Baku mika upla nani wihtka aimakbia apia, watawikira kum upla ra kunin mamunra ba.

Job 8:13

Saurakira nani ba sin baha baku takisa, Gâd ra ai âuya tiki nani ba, bîla kaikanka nani bri ba sut saura baman takisa.

Lawana Nani 55:12

Waihli kum bui kupi sauhkras sa, baha yang sip katna kupi alki takaskaia; misbara ai kaiki uplika ba sin maipara buras sa, witin wina yang yukuwaia sip katna ba.

Sins Lâka 11:6

Wapnikira nani kasakka ba bui witin nani ba pri sâkbia, sakuna saura dadaukra nani lika, ai saurka pali ni blaki alkan kabia.

Sins Lâka 11:8

Kasakkira lika trabil saura wina pri sakan sa, kuna watawikira ba, witinka watlika ra aimakisa.

Sins Lâka 16:29

Rausasauhkra ba, ai walka ba ra kunin munisa, bara yabal yamni apia bâk sin brih auya.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Mark 13:14

“Man nani saura tâski lâka ra kaikma naha pliska baku kaia apia kan ba —ya aisi kaiki ba, tânka bribia—, baku bamna Judia ra nani ba il nani ra plapbia;

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

1 Jan 2:21

Bamna yang bui man nani ra ulbisna ba lika, man nani diara kasak tânka ba pain kaikisma ba dukiara, kaikras lika apia; bara man nani mita pain kaikisma, diara kasak ba wina kunin kumi sin sip balbia apia ba.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.