Sins Lâka 11:24 - DAWAN BÎLA AISKA

²⁴ Upla bâra sa diara yui ba kau aiska pura praki brisa; wala bâra sa, diara yuaia kan ba takaskisa, ban sakuna umpira bara diara luha takisa.

Sins Lâka 11:24 ပူးပေါင်းရင်းမြစ်များ

2 Kronikas 31:10

bara Azarías prîs tara ba, Sadoc taika wina ba, witin aisin: “Dawan tempelka ra prisantka nani bri balan ba wina, yawan plun piaia aitani brisa, kau manis pura takaskisa; kan Dawan bui ai uplika nani ra yamni munan bamna.”

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Sins Lâka 11:18

Watawikira ba kunin lâka ra ai mana brisa, kuna kasakka lâka mâ mangki ba, ai mana kasak aihwa bribia.

Sins Lâka 11:23

Kasakkira nani brin dauki ba lika yamni man sa, kuna watawikira nani ai kanra bîla kaiki ba lika, kupia baiwanka baman.

Sins Lâka 11:25

Ya kupia pain ba, yamni ra pâwisa; ya diara yui ba, baku sin brin kabia.

Sins Lâka 13:7

Upla tila yuyakira kaia munisa, sakuna diara sut luha sa; upla tila sin umpira baku pulisa, sakuna yuya ailal brisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 28:27

Upla umpira ra diara yabi uplika ba, sip diara luha kabia apia; sakuna ai nakra praki tnaya ra laki uplika ba ra kasak lahtuban kabia.

Sins Lâka 28:8

Ya ai yuyaka ailal dauki brisa kaka, lin muni pura praki diara bri ba mita, upla umpira nani ra yamni muni ba, uplika nani ra yaia kukisa.

Smasmalkra 11:6

Saumukkam mâ ba titan ra mangks, bara tutni ra sin mangks, kan man kaikras ani ba yamni takaia ba, tâura, apia ningkara mangkram ba wal, apia kaka wâlsut pâwan kabia.

Hageo 1:6

Saumuk ailal tasba ra mangkisma, sakuna mâ wiria man dâkisma; plun pisma, sakuna aitani pisma baku damra walras sma; diara laya disma, sakuna diran mai dauki ban sma; kwala dimisma, sakuna kauhla mai dauki ba ban sma; lal mana wark taki uplika ba, ai warkka mana ba lalah watla kalwan ra auhbi baku sa.

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Luk 6:38

Yas upla wala nani ra, bara Gâd bui pana man nani ra maikbia. Pakitkam ra aitani pali maikbia, lasbi, singbi, bara banhki pali. Gâd bui man nani ra mai kulkan kabia, dîa kulkanka wal pana upla wala ra kulkma ba.”

Kli Smalkanka 15:10

Wirha mai taibras kira ban hilp muni bas, kan baha daukisma mita diara sut daukma ba ra Dawan Gâdkam yamni mai muni kabia.