Sins Lâka 11:21 - DAWAN BÎLA AISKA

²¹ Kasak pali watawikira ba, klala briras takaskbia apia, sakuna kasakkira nani ba pain pri takbia.

Sins Lâka 11:21 ပူးပေါင်းရင်းမြစ်များ

Job 36:17

Upla saura nani pât briaia kan ba, man ra tnata alkan kabia, bara lâmka aisi dauki pât ra mai lakan ba wina, sip swak takma apia sa.

Lawana Nani 37:26

Piua bani witin bui upla wala ra diara yabisa pana mana, ai kupia swapni sa, ai luhpia nani ba, yamnika nani sa.

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Sins Lâka 11:20

Kupia watawi uplika nani ba Dawan nakra ra saura pali sa, sakuna yabal aihwa ra man tauki uplika nani ra yamni lukisa.

Sins Lâka 11:22

Gul kuldusika kwirku kakma ra mangkan ba, baha sika mairin prana painkira kum sinska kunhku ba.

Sins Lâka 12:21

Upla kasakkira pât kumi sin wauhbia apia, sakuna watawikira nani lika, diara saura nani ni aibanhwan kabia.

Sins Lâka 13:22

Upla yamni ba ai dukia kukanka ai mula nani dukia swisa, sakuna saura dadaukra ai yuyaka manis bri ba, upla kasakkira nani dukia suni swisa.

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Aiseya 27:4

Kupi baiwanka witin mapara âpu sna. Sakuna kiaya, rahra maipara bâra sa kaka, taki wih war dauki, angki âpu daukamna.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 44:15

Bara waitna nani bâra kan, witin nani kaiki kan ai maya nani ba gâd wala nani ra diara kîa pain nani angki yabi kan ba, mairin nani ba bâra kan, witin nani ba pat upla ailal asla takan kan, Ju nani sin Idsip tasbaya waupasa tani ra iwi kan ba, baha nani sut Jirimaya ra win:

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.