Sins Lâka 10:3 - DAWAN BÎLA AISKA

³ Dawan ba upla kasakkira ra sanglang wahwaia yaras, sakuna watawikira nani ra alki takaskisa, brinka nani ba daskaia.

Sins Lâka 10:3 ပူးပေါင်းရင်းမြစ်များ

Job 15:23

Ai wîna tara ba usus nani pata kabia, witin kasak ai tânka brisa witin ra sauhki tikanka lâka ba tnata âpu ba.

Job 20:28

Gâd lawanka witin purara balbia ba ra, ai yuyaka nani ba sut tiwan kabia.

Job 5:20

Plun wahwan piua ra, prura wina dakbi mai sâkbia bara war aiklabanka piua ra, sord wina dakbi mai sâkbia.

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Lawana Nani 33:19

witin nani ba prura wina swaki sakaia, plun dauki ba ra rayaka yabia mata.

Lawana Nani 37:19

Witin nani piua saura nani tilara; plun wahwan piua ra witin nani swira daukan kabia apia, plun ailal piaia bri kabia.

Lawana Nani 37:25

Yang wahma kapri, nanara sin almuk takri, sakuna yang kau kaikras upla kasakkira nani ba; Dawan mita lulki swin ba ra, ai luhpia nani ba upla ra diara makabi tauki kan.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Sins Lâka 13:25

Upla kasakkira ba plun pîsa ai kupia brinka sut daskbia ba kat, sakuna watawikira nani biara ba lika, kau plun dauki takaskisa.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 28:25

Gridikira uplika ba aiklaban bukisa, sakuna Dawan kat luki tniwi uplika mapara diara sut pain takbia.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Luk 12:31

Kau yamni sa, man nani bui Gâd king aimaki lâka ba plikma, bamna naha diara nani sut na brima.