Sins Lâka 10:28 - DAWAN BÎLA AISKA

²⁸ Kasakkira nani ai kanra briaia luki ba lika lilia lâka; sakuna watawikira nani ai kanra bîla kaiki ba lika tanis tiwaia lâka ba.

Sins Lâka 10:28 ပူးပေါင်းရင်းမြစ်များ

Job 11:20

Sakuna watawikira nani ba lika baku kabia apia; bahki lâka ra hilp plikbia, yukuwaia pliska kumi sin sâkbia apia, prura ba lika ai bîla kaikanka tnata kumi baman kabia.

Job 8:13

Saurakira nani ba sin baha baku takisa, Gâd ra ai âuya tiki nani ba, bîla kaikanka nani bri ba sut saura baman takisa.

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Lawana Nani 16:9

Bahamna yang wîni kat, kupi lukra ba lilia sa, yang kupi ba lilia banhki pali sa; yang wîni aiska ba âiyapah luki iwi kabia.

Lawana Nani 68:4

Man nani, Gâd ra aiwani banhs, lawana aiwani banhwi bas witin ai nina ra; mayuns kasbrika nani purara uli impaki ba. ¡Dawan ra lilia dauki banhwi bas! Lilia dauki banhwi bas witin ai mawanra.

Sins Lâka 11:23

Kasakkira nani brin dauki ba lika yamni man sa, kuna watawikira nani ai kanra bîla kaiki ba lika, kupia baiwanka baman.

Sins Lâka 11:7

Upla watawikira prui ba ra ai kanra bîla kaiki kan ba, ai kupia ra paski bri ba sin pruisa.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 29:6

Watawikira nani mina alkaika ba, witin nani un saurka lâka ra sa; kuna upla kasakkira ba lika aiwani lilia kabia.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,