Sins Lâka 10:22 - DAWAN BÎLA AISKA

²² Dawan yamni wan muni ba yuyakira wan sakisa; witin wal aikuki, sari lâka prakras sa.

Sins Lâka 10:22 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 13:2

Ebram yuyakira pali takan, daiwan ailal brin, silbar bara gul sin manis.

Blasi Sturka 14:23

Man dukiam nani ba wina diara kumi sin yang brimna apia, trit kum pan sin, apia kaka sûs awa kum pan sin, sûski unta wilkaia dukiara, ban kra man wimara sîa yang mita sika Ebram ba yuyakira daukri.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 26:13

witin yuyakira pali takan. Bara diara ailal bri kan, insla ailal.

1 King Nani 21:19

Bara man wis: ‘Dawan naku wisa: Man mita Nabot ba ikram, bara ai dukia ba dakbi briram bamna, Nabot tâlia yul nani daban ba pliska ra, man tâmlia sin yul nani dabia.’ ”

1 Kronikas 4:10

Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

2 Kronikas 25:9

Amasías bui Gâd waitnika ra makabi walan: —Sakuna, ¿dîa takbia 3,300 kilo pura silbar Israel suldiar daknika ra yabri ba? Gâd waitnika ba pana witin ra win: —Dawan diara sut brisa man yaram ba pura praki maikaia.

2 Kronikas 32:27

Ezequías ba kasak yuya ailal pali brih lilia takan, pain kulkan lâka sin brin, silbar, gul, walpa manakira nani, isint sâtka nani, ai kan kahbaika nani, diara mana tara nani sâtka sut kuki brin.

2 Kronikas 32:29

Baha purkara tawan tara nani paskan, daiwan daknika wala nani sin, kan diara kukan ailal Gâd bui witin ra yan.

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Lawana Nani 127:2

Wark karna pali taki kaia, sari lâka ra plun piaia dukiara, titan pali buaia bara tihmia let kat yapaia ba. Gâd yaura latwan kaiki ba, kan manas pata yabisa witin nani kau yapi ba ra.

Lawana Nani 37:22

Dawan mita yamni muni uplika nani ba, tasbaya na brih iwbia, sakuna baha nani witin mita saura win nani ba sauhki tikan kabia.

Sins Lâka 14:24

Sinskira nani kraunka ba sika sinska lâka ba, sakuna sinskas nani dukia ba lika ai sinskaska lâka nani ba.

Sins Lâka 20:21

Diara tâura isi pali bri dauki ba, tnata ra baha wina sip yamni munan kabia apia.

Sins Lâka 28:22

Upla lalah lalihkra ba, yuyakira takaia aihni munisa, bara naika diara luha takaia ba lika ai dahra walras sa.

Sins Lâka 8:21

Yang ra, latwan ai kaiki uplika nani ra witin nani dukia dîa briaia ba yabisna; diara manakira nani ni watla nani ba banhki daukisna.

Daniel 1:15

Bara yu matawalsip ba luan, bara witin nani ba kau karna bara mawan sin kau pain kan, baha wahmika nani king pata pi banhwi ba wal.

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Kli Smalkanka 26:10

Baha mita Dawan tasba wankan ba wina, plun mâ tâura saki banhri ba wina bri aulna.’ “Ningkara watlika wala ba, Dawan Gâd lamara wan kaiki ba ra, mawanra swi si witin lamara lulam krikma.

Kli Smalkanka 28:11

Dawan mita luhpa nani ailal maikbia bara ai kupia pihni lâka mamrikbia. Daiwan ailal maikka sauhma, plun mâ nani sin ailal tasba wina sâkma, damikam nani ra yabia win kan ba.

Jasua 6:18

Man nani aman kaiks, tawan bilara diara nani ba wina diara kumi sin bripara, mihtam sin kangpara, kan diara sut bâra ba dukiara pat adar win sa baha sut sauhki tikaia, baku daukras kama kaka, Israel kiampka Dawan mita lahtuban kabia bara sari lâka tara twilkbia.