Sins Lâka 10:17 - DAWAN BÎLA AISKA

¹⁷ Smalkanka yan ba ban brih dauki uplika ba, raya kaia yabalka ra sa; sakuna wan kupia kraukanka lulki swi uplika ba, tanis tiwaia lâka ra auya.

Sins Lâka 10:17 ပူးပေါင်းရင်းမြစ်များ

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Sins Lâka 1:30

Yang kupia kraukanka yabisna ba, brin daukras sa; yang smalkanki ba saura kulkisa.

Sins Lâka 12:1

Pain, lâ kat iwi kaia smalkanka ra latwan kaiki uplika ba, sins lâka ra latwan kaikisa, wan kupia kraukanka ra waihla kaikaia ba lika, sins âpu lâka sa.

Sins Lâka 15:10

Yabal pain ba swi uplika ra, witin karna pali smalkisa; bara kupia kraukanka yabi ba waihla nani ba ban pruisa.

Sins Lâka 15:32

Diara wan smalkan ba sip kulkras uplika, witin ai rayaka ba bahki man kulkisa, sakuna wan kupia kraukanka wali ba lika, sins yamni alki bribia.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Sins Lâka 3:18

Sins lâka ba, rayaka lâka sa ya baha bri ba; ¡dutki bri alki uplika nani ba, lilia pali sa!

Sins Lâka 4:13

Diara mai smalkan yaba dutki alks, bara aihwakras lika kapara; aihwaki kaiki bris, baha ba man rayakam bamna.

Sins Lâka 4:4

bara papiki ba naku ai smalki kata: “Kupiam ra yarka bîli aisanki nani ba ulbi pain bris, yang dîa daukaia mai wimna ba dauki bas bara raya kama.

Sins Lâka 5:12

Bara wima: “¡Nahki sip kapri smalkanka ba saura wiaia! ¡Nahki sip kapri bahki kulkaia kupia kraukanka nani ra!

Sins Lâka 5:14

bara kau wiria kan, asla takanka aiska mawanra, yang pât saura kat dimi waia!”

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Smasmalkra 5:6

Yabrika bîlam mita saura daukaia ra mai brih wabiara, bara ningkara kra wima, Gâd blikan uplika ra tânka briras mita daukras. ¿Dîa muni yaka Gâd ai kupia sauhkbia, bara paskram ba sauhki tikaia?

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 2:1

Baha mita sika, yawan diara nani walan ba pain pali alki kaia sa, bara baku mika yawan yabal ba wina tnaya ra tawbia apia.

Wihta Nani 19:17

Dama impapakra nani ba iwaia pliska ra kaikan ba ra, witin nani ra makabi walan: —¿Man nani ani wina aulma, bara anira auma?