Sins Lâka 10:15 - DAWAN BÎLA AISKA

¹⁵ Upla lalahkira nani ba, ai yuyaka ailal bri ba ai karnika sa; umpira nani sauhki tikanka ba, ai umpirka lâka ba mita sa.

Sins Lâka 10:15 ပူးပေါင်းရင်းမြစ်များ

Lawana Nani 49:6

Witin nani lika, ai dukia kukan nani ba ra man lukisa; witin nani ai yuyaka brisa wisi, bahara baman tniwisa.

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Sins Lâka 14:20

Diara luha uplika ra witin ai uplika bui sin misbara kaikisa, kuna lalahkira ra, upla ailal mita latwan kaikisa.

Sins Lâka 18:11

Lalahkira ba lukisa ai dukia kukanka nani ba, ai kan kahbaika tawanka tara kum kutbi purara sunan sa.

Sins Lâka 19:7

Upla umpira ba, muihnika nani sut mita sin witin ra misbara kaikisa; kau asla ai uplika nani sin, witin wina laihura itwi takisa.

Smasmalkra 7:12

Kan sins lâka ba, lalah wal baku wan kaina sunisa, sakuna sins lâka yamnika ba sika, sinskira nani ra rayaka yabisa.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Mark 10:24

Disaipil nani baha wali tâ iwan, sakuna Jisas kli win: —Luhpi nani, ¡karna pali sa Gâd King aimaki lâka tasbaya ra dimaia!

Luk 12:19

Baku bamna, yang kupi ra wimna: Upliki, diara manis pali suni swiram sa mani ailal praiska; bamna ris pain bris, plun pis, diara dis bara liliam bas.’

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.