Sins Lâka 1:6 - DAWAN BÎLA AISKA

⁶ sinskira nani aisinka nani ba tânka briaia, bîla nani aisan ba, witin nani daukanka ba, diara tânka nani pliki sakan patrangka ba briaia.

Sins Lâka 1:6 ပူးပေါင်းရင်းမြစ်များ

Lawana Nani 49:4

upla aisinka nani ba, aman walamna, baku bamna arp kangbi tâinka yukuwan ra ba aisamni.

Lawana Nani 78:2

Sins tânka maprika ra mai aisaisni, mai wimni diara nani yukukan ra ba tânka, baha piua nani patitara luan kata ba.

Sins Lâka 24:23

Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Daniel 8:23

‘Naha kingka lâka nani tnata alkbia ba ra, saurka nani ba ni âuya mâira lâka ra karnika ba alki bribia.

Kulki Kaikanka 12:8

Witin kat kaiki wal aisisna param pali, diara lilka bâk lika apia. Bamna witin Dawan tânka pali kaikisa kaka, ¿dîa muni man nani sibrin âpu pali yang naipakan Moses mapara saura aisi banhram ba?”

Mark 4:11

Bara Jisas win: “Man nani ra lika Gâd king aimaki ba lâka dahra yukukan nani ba param mamrikan sa; sakuna latara uplika nani ra lika maprika lilka ni smalkan sa;

Mark 4:34

Maprika lilka âpu ni Jisas diara kum sin smalkras kan, sakuna ai disaipilka nani ra sut tânka ba smalkan.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.

2 Pita 3:16

Ai wauhkataya nani sut ra naha diara nani tânka mai aisin sa, kum kum tânka briaia karna sa, bara sins aitani briras nani bara kasak lukan lâka mapara swapni nani ba mita lika warbi lakisa, ulbanka wala nani warbi laki ba baku, witin nani sut âpu takaia ba dukiara.