Sins Lâka 1:28 - DAWAN BÎLA AISKA

²⁸ “Baha yua ra ai winma, sakuna pana mai aisaras kamna; ai pliki banhma, sakuna ai sakras kama.

Sins Lâka 1:28 ပူးပေါင်းရင်းမြစ်များ

Blasi Sturka 6:3

Bara Dawan aisin: “Yang bui upla ba ban swirka raya kabia apia, kan kasak pali sika witin ba wîna baman sa, bamna ai yua nani ba mani 120 baman kabia.”

Job 27:9

Pât wal prawan piua ra, Gâd ai pura sunra ba walbia apia.

Job 35:12

Wini banhwisa, sakuna Gâd pana aisaras sa, kan baha nani lika upla saura bara kupia prautkira nani sa bamna.

Lawana Nani 18:41

Witin nani hilp makaban, sakuna upla kumi sin witin nani ra tâ baikras kan; Dawan ra winan, sakuna witin nani ra pana aisaras.

Lawana Nani 18:42

¡Yang bui witin nani ba, pruki akbi tasba yuya pâsa ra pâli ba baku daukri! ¡Yabal nani ra drapapa wan mina ra taibi ba baku taibri!

Lawana Nani 66:18

Yang lukanka saura briri kata kaka, Dawan ba ai walaia apia kan;

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Yamni Kulki Lawana 5:6

Laitwankira waitna ra yang durka sakri, kuna laitwankira ba witin bâra âpu kan. Witin ba plikri, kuna sip sakras katna; witin ra winri, sakuna yang ra pana ai aisaras kata.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Emus 8:12

Upla nani ba kabu kum wina kabu wala kat, yahbra wina lalma kat, Dawan bîla smalkanka walaia pliki, tanis baman watauki kabia; sakuna pliki sâkbia apia.

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Kli Smalkanka 1:45

Man nani kli tawi balram bara Dawan mawanra inram, sakuna inankam ba witin walras kan.

Jems 4:3

Man nani makabankam nani ba saura makabisma bamna, sip briras; kan man nani wînam liliaka dukiara baman lukisma bamna.

1 Samuil 8:18

Baha yua ra kupiam kriwan takbia, man nani kupiam lâka kat kingkam mangki briram ba dukiara, sakuna Dawan lika man nani ra mai walbia apia.