Sins Lâka 1:22 - DAWAN BÎLA AISKA

²² “Sins tânka aitani briras wahmika nani, upla lawaska kakikra, nani bara taniskira nani ba, ¿ahkia kat sins tânka aitani briras lâka ba ra ban lihki kama, bara lilia sâkma lawaska kiki banhwi ba wina, bara sins tânka ra misbara kaikma?

Sins Lâka 1:22 ပူးပေါင်းရင်းမြစ်များ

Job 34:7

¡Job baku wala âpu sa! Gâd lawaska kikisa, upla kum lî din daukan di ba baku.

Lawana Nani 1:1

Yamni pali sa baha uplika, upla watawi nani lâka ra taukras ba, saurakira nani yabalka bâk sin waras ba, Gâd lawaska kiki banhwi ba tilara, aikuki prawi kikras ba.

Lawana Nani 94:8

¡Tânka bris, upla lal karna bara taniskira nani! ¿Ahkia kat man nani diara tânka brima?

Impakan Sturka 10:3

Moses bara Eran wal king fero kaikaia wan, bara witin ra win: —Dawan Hibru nani Gâdka ba naku wisa: ‘¿Man ahkia kat yang ra ban ai wi kaisma, yang bui man ra bawaia apia? Upliki nani ba swis taki wabia bara yang ra nini mayunbia.

Impakan Sturka 16:28

Bara Dawan bila Moses ra win: —¿Ahkia kat man nani bui yang lâika bîla nani ba bara smalkanka nani ba sin, bîli wali daukras ban kama?

Sins Lâka 1:21

Ai lâka bîla ba, get dimaika ba wina upla sut ra wini maisa pakisa, tawan bilara kau upla ailal asla taki pliska nani ra:

Sins Lâka 1:29

Kan saura kulkisa sins lâka ra bara Dawan ra kulkanka yabaia want apia.

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Sins Lâka 1:4

sins lâka aitani briras wahmika nani ra âuya mâira kaia lâka yaia, diara tânka kaikaia lâka, diara ba lâka kaikaia sinska.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 14:6

Ai tânka saura bri uplika ba, sins lâka plikisa kuna sakras, sakuna diara tânka luki uplika mapara, sins lâka briaia karna apia sa.

Sins Lâka 15:12

Lawaska kakikra lika ai kupia krauki uplika ra latwan kaikras; witin ba upla sinskira nani wal sin prawras sa.

Sins Lâka 19:29

Bin dadaukra nani nina ba, dus ni prukan kaia dusa ba sin pat ridi daukan sa; prukanka nani sin, taniskira nani nina dusa dukiara sin ridi sa.

Sins Lâka 21:11

Lawaska kiki uplika ra klala yabi ba ra, dahra yamni walras uplika ba lan takisa; bara sinskira ra kupia krauki ba ra, witin diara kaikaia lâka prak alkisa.

Sins Lâka 21:24

Praut lâka ra ai wîna tara puli uplika ba nina, “Lawaska Kakikra” mâkan sa, witin ai kupia baiki praut luki ai warkka dauki ba.

Sins Lâka 22:3

Aman kaiki uplika ba, diara saura kaiki bâra takaskisa; sakuna dahra yamni walras nani ba, ban ai tâura auya bara pât ra dimisa.

Sins Lâka 3:34

Upla lawaska kakikra ra Dawan mita lawaska kikisa, sakuna bawikira nani ra kupia yamni lâka yabisa.

Sins Lâka 5:12

Bara wima: “¡Nahki sip kapri smalkanka ba saura wiaia! ¡Nahki sip kapri bahki kulkaia kupia kraukanka nani ra!

Sins Lâka 6:9

¡Aitani yapram, sringwaskira! ¡Bahara pat aitani aitnikram sa!

Sins Lâka 7:7

wahma kum kum sins tânka aitani briras, bara pain laki kaikri kau taniskira pali ba.

Sins Lâka 8:5

Sins tânka aitani briras wahmika bara taniskira nani, ¡lan taks, tânkira watauki kaia bara aman damra walaia ba!

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Kulki Kaikanka 14:27

—¿Ahkia kat yang naha Israel uplika watawikira nani maipara brukwi aisi ba mapara, kupi alki takaski wali kamna ki? Witin nani maipara saura aisi ba aitani pat walri sa.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Luk 19:42

naku win: “Man kaikram kata, naiwa piua kupia kumi lâka dukiara dîa pali want sma ba; sakuna nanara baha sut ba yukukan sa, bara man sip kaikras.

Jan 3:20

Saura dauki uplika nani ba sut ingni ra misbara kaikisa, bara ingni lamara sin balras, witin nani saura dauki ba param sâkbia sîa.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.