Sakaraya 8:23 - DAWAN BÎLA AISKA

²³ Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”

Sakaraya 8:23 ပူးပေါင်းရင်းမြစ်များ

Blasi Sturka 31:41

Yang 20 mani man wamtla ra bâra kapri ba, baku pât taki kapri. Luhpiam mairin nani briaia dukiara 14 mani warkkam takri. Bara 6 mani daiwram nani ba main kaikri; sakuna 6 mani yang maina ba aikaia wisi aikras kunin ai muni kapram.

Blasi Sturka 31:7

Bara nanara man nani aisikam kunin ai munan, bara nanara kat sin kau ban kunin ai munisa maina aikaia apia dukiara. Sakuna Gâd bui witin ra karnika yabras yang ra saura ai munaia;

2 King Nani 2:6

Bara Ilayas win: —Takaski nâra bas, kan Dawan bui Jordan ra ai blikuya bamna. Bara Ilaidsa win: —Dawan nina mâki swer takisna bara man ra sin, yakan mai swimna apia. Bara witin nani wâlsut wan.

1 Kronikas 12:18

Bara Amasai, 30 nani lalka ba, spirit witin nani ra iwan bara winan: “¡Debit, Jesé luhpia, kupia kumi lâka kabia man ra! ¡Kupia kumi lâka ba ban man wal kabia! ¡Kupia kumi lâka man ra bara baha nani hilp mai muni nani ba ra sin, kan Dawankam ba man ra tâm baikan sa!” Debit baha nani ba yamni brin bara war aiklaklabra daknika nani lalka tilara brin.

2 Kronikas 15:9

Baha ningkara Juda bara Benjamín wâlsut asla daukan, bara sin tasba wala wina balan kan nani ba, Efraín, Manasés bara Simian tasbaya wina, kan Israel wina baha nani Asá ra tawi banhwan kata ba, kan kaikan Dawan ba witin wal kata.

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Job 19:3

Aima kumi apia, sakuna kli kli saura pali ai wi banhwisma, ¿swiram sin âpu sma yang ra baku ai munaia?

Smasmalkra 11:2

Dîa brisma ba sip sma ba kat yui bas, kan man kaikras dîa saura kuntrikam ra aula ba.

Aiseya 3:6

Upla kum ai muihni mihta wina alkbia, ai aisika watla bilara, bara witin ra wibia: “Man kwala dimaia brisma; man ba yawan wan wihtka aimaks, bara naha sauhki tikanka na mihtam ra bris.”

Aiseya 4:1

Baha yua ra waitna nani ba maura pali kabia, bamna mairin 7 waitna kumi tâwan unsabi kabia, witin nani waitna ra wibia: “Yang nani pati pliki pimna, yang nani sin silp kwala pliki dimamna, sakuna baman man aisas yang nani, man mayam nani, swiri lâka wina yang nani ai sâks.”

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Aiseya 66:18

Kan yang kaikisna, witin nani ai warkka ba; bara ai kupia lukanka nani ba sin. “Bara baha piua ra, yang balamna upla nani sut, twisa sâtka nani aisi ba, nisan nani ba asla daukaia; witin nani balbia, bara yang praina ba witin nani kaikbia.

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Kulki Kaikanka 14:22

Baha nani sut Idsip ra praina kaikan ba, naha upla iwras tasbaya ra sin sain nani daukri kaikan. Pat aima ailal traiki kaikan bara bîli ba sip wali banhras sa,

Luk 8:44

Witin Jisas ninak bal prâka un ra kangban, bara baha sim piua ra ai tâlia plapi kata ba takaskan.

Apastil Nani Sturka 19:12

Ban angsar nani sin, apia kra kwala wala nani sin witin ra kangban ba, kwalka nani ba siknis uplika nani ra brih wan, bara baha ni siknis uplika nani ba rakan, pirit saura nani ba sin upla nani wina taki kan.

1 Korint 14:25

Baku ai kupia dahra prakanka nani ba latan takbia, bara ai lula kriki Gâd ra ai pura suni mayunbia, bara aisabia kasak pali Gâd ba man nani tilamra sa.

Jasua 8:35

Moses lâka bîla nani win ba sut pali aisi kaikan, kumi sin aisi kaikras swiras kan, Israel luhpia nani sut, mairin nani, tuktan nani, tringsar nani witin nani ai tilara iwi kan ba, sut pali wali kan witin aisi kaiki kan ba.