Sakaraya 8:22 - DAWAN BÎLA AISKA

²² Jerusalem ra upla ailal nisan sât ailal pali balbia, Dawan karnika sut bri ba ra, ai pura suni yamnika ba briaia pliki.

Sakaraya 8:22 ပူးပေါင်းရင်းမြစ်များ

Lawana Nani 68:30

Idsip ba lawi dauks, baha snati pliska daiwra yahpa ba, bîp wainhka prautkira daknika ba bara bîp lupia nani daknika ba, lalahkira takaia wisi tawan nani ra mâyara kulki ba; war lalihkra uplika nani ba ra yakabrira daukisa.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 25:7

Naha ilka ra pura bikaika kum bâra ba, upla nani sut pura praki ba witin mita sauhki tikbia, kwala nisan nani sut ra sruki bri ba.

Aiseya 49:22

Dawan ba naku wisa: “Nisan nani ra yang adar yamni; bara upla nani ra yang sain kum bukamni bara ai klahkla ra buki luhpiam waitna nani ba bri balbia, bara luhpiam mairin nani ba sin ai pahpaya ra bri balbia.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 55:5

Man kakaira apia sma uplika nani ba man paiwma; upla nani mai kakaira apia kan ba man ra plapbia, yang Dawan, man Gâdkam, Israel ra Holikira ba, yamni mai kulkan ba mita.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Miqueas 4:3

Dawan mita nisan bani tilara lâ daukbia, upla ailal aiklabanka ba wapni daukbia, kau plis wihka ra iwi nani ba lâka sin. Aiklabaia sordka nani bri ba, baha ni witin nani tasba tukbaika nani paskbia, ai langsika nani ba ni sin ispara nani paskbia. Nisan kum bui nisan wala mapara kli war aiklabaia lukbia apia, war aiklabaia lâka nani sin kli smalkbia apia.

Hageo 2:7

Nisan nani sut ba nikbamni, witin nani ai dukia kukan nani brih balbia, bara tempelka ba prana banhki daukbia.” Karnika sut alki bri Dawanka ba, kasak aisisa:

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 8:21

Tawan kum uplika nani ba tawan wala uplika nani ra wabia: ‘¡Man nani, kaisa Dawan, karnika sut bri ba, plikaia waia, witin ra wan pura sunaia yamni wan munaia dukiara!’ Bara wala nani ba pana wibia: ‘¡Yang nani sin wamna!’

Galesha 3:8

Bamna kaina piua wina ulban sa, Gâd lika Ju apia nani ba, kasak lukan tâka mita kasakkira kulkan kabia, bara kaina piua wina naha sturka painkira na, Ebraham ra maisa paki win: “Man tamka mita, nisan nani sut ba yamni munan kabia.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 21:24

Tasba ra iwi uplika nani swaki sakan ba, baha tawanka ingnika ra wapi kabia, bara tasba kingka nani ba ai prana bahara bri bal dingkbia.