Sakaraya 8:19 - DAWAN BÎLA AISKA

¹⁹ “Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Sakaraya 8:19 ပူးပေါင်းရင်းမြစ်များ

2 King Nani 25:1

Sedequías king aimakan pat 9 mani bara kati matawalsip piua ra, ai aiklaklabrika daknika tara pali ba aikuki Jerusalem mapara aiklabaia bal, tawanka aiska ba kutban, bara ai tnaya kir ba laih wina kaiki aiklabaia watla nani paski bri kan.

2 King Nani 25:25

Sakuna kati 7 alkan ba ra, Ismael, Netanías luhpia bara Elisamá mulika, Juda ra king kiamka uplika kan ba, witin bara waitna nani matawalsip aikuki balan, bara alsut bakahnu Guedalías ra ikan, baku sin Caldea uplika nani bara Juda uplika nani witin aikuki Mispá ra kata ba sut ikan.

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Ester 9:22

Ju nani ai waihla nani wina kupia kumi lâka brin yua kulkaia, baha katka ba kupia wirha katka kan, bara âuyapah yua daukan kabia; baku sin baha yua ba upla bani ai lamara iwi nani ra diara pana pana bliki kabia, ba purkara sin umpira nani ra diara mana luha yabi kabia.

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 51:11

Kasak pali Dawan mita atki sakan nani ba, baku kli tawi balbia; aiwani kli tawi balbia Saion ra bara ai lal nani purara kaiki, lilia lui waras ba liliaka bâra kabia; lilia aihwa ba bribia, bara sari lâka bara ai mamna lulkanka ba sin lap tiwbia.

Jirimaya 36:6

Baha mita, upla nani ba kli kaiki plun wahwi kaia balbia ba ra man was, bahara yang aisari man ulbram wauhkataya ba aisi kaiks, tawan uplika nani ba bara Juda tawanka nani wina balan nani ba sin walbia, Dawan aisin bîla nani ba.

Jirimaya 39:2

Baha wina mani wâl luan, 11 mani aimakan ra baha manka ra kati walhwal, yua 9 ra Sedequías waihla nani ba tawan ra diman,

Jirimaya 52:4

Sedequías pat 9 mani king aimaki kan, baha manka ra kati matawalsip, yua matawalsip ra, Nabucodonosor aiklaklabra nani sut aikuki Jerusalem mapara balan, bara tawan ba kutban. Jerusalem lama kat aiklabaia watla nani ba mâkan baha wina aiklabaia.

Isikiel 18:8

upla ra lalah lukan tâski wal lin munras bara sin taibi muni, pura praki mana sakaia ba daukras; upla kumi ra sin saura munras; upla wâl unsabanka ba lâ kasak kat daukisa;

Isikiel 24:1

Mani 9, kati matawalsip aimakan ba yua matawalsip ra, Dawan ba yang ra balan, bara ai win:

Sakaraya 7:3

Dawan, karnika sut alki bri ba watla ra prapit nani ra, prîs nani ra makabi walaia: “¿Mani bani kati matsip aimaki ba ra, yang nani kaiki plun piras, sari bri banhwisna ba ban naiwa kat, baku ban dauki banhwi kaia sna ki?”

Sakaraya 7:5

“Tasbayam uplika nani sut ra wis, prîs nani ra sin: ‘Man nani pat 70 mani, kati matsip aimaki ba ra, kati matlalkahbi pura kumi aimaki ba ra sin, sari bri, kaiki plun piras dauki banhwisma. Sakuna man nani bui yang ra yamni ai kulkaia dukiara daukras,

Sakaraya 8:16

Naha sika man nani piu bani dauki kaia sma: Piu bani pana pana sturi kasak ba aisi kama, lâ daukaia watla nani ra kupia kumi lâka bukaia dukiara, lâ aisi dauki bas;

Sakaraya 8:18

Dawan karnika sut bri ba mita naku ai win:

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.