Sakaraya 8:17 - DAWAN BÎLA AISKA

¹⁷ bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Sakaraya 8:17 ပူးပေါင်းရင်းမြစ်များ

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 101:3

sip kaikanki ba, mangki brimna apia, baha nani tanis tiwaia yabalka ra tauki ba ra. Misbara kaikisna baha nani Gâd lâka briras watauki ba, ¡swirka witin nani laimara sin balbia apia!

Sins Lâka 3:29

Saura daukaia lukisma ba daukpara, man ra kasak luki iwi ba mapara.

Sins Lâka 6:14

witin lukanka ra lâ warha nani bâra sa, piua bani ra lukisa saura ba daukaia, bara unsaban lâka tuski wataukisa.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 4:2

baku bamna yang nini bri swer takma, rait ba wal, kasak lâka ra bara wapni lâka ra sin. Yang nini ba mita nisan nani ra, yamnika yabia bara mayunaia tânka takbia.”

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Abakuk 1:13

Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Sakaraya 8:18

Dawan karnika sut bri ba mita naku ai win:

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 12:35

Upla yamni ba diara yamni nani aisisa, ai kupia ra diara yamni baman sa bamna, upla saura ba diara saura nani aisisa, saurka ba ai kupia ra sa bamna.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Matiu 5:28

Sakuna nanara yang mai wisna: Ya ya mairin kum kaiki, brin pali daukbia kaka, pat witin wal ai kupia ra marit lâka sauhkan sa.