Sakaraya 7:14 - DAWAN BÎLA AISKA

¹⁴ Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Sakaraya 7:14 ပူးပေါင်းရင်းမြစ်များ

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Lawana Nani 58:9

Kiaya dusa nani aswi lap tiwi ba baku kabia, bara ai lawanka karna ba wal, twi kura sangni daiki saki baku daikbia.

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 21:1

Upla iwras tasbaya ba dahra aisinka: Prari nani baku waupasa wina aula, upla iwras tasbaya wina aula sirang iki pliska ba.

Aiseya 60:15

Kli misbara mai kaiki, yakan mai lulki mai swibia apia, yang mita daukamna man pramna ba ban kaia lilia ba man wal ban kaia.

Aiseya 66:15

Kan Dawan ba pauta klauhan tilara aula, ai waginka ba alhkablakat baku sa; ai kupia baiwanka laptika ba yakabaia bara pauta klauhan laknika laptika klalka ba sin.

Jirimaya 12:10

Waihla nani ailal wihtka nani ba mita wainki awa nani ba sauhkan, naisla ba ai mina ni uli taiban. Yang want pali kapri tasbaya ba witin nani mita upla iwras tasbaya dauki bîla man swin.

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Jirimaya 30:23

Dawan lawanka ba pâsa saura kum baku sa, prari krawi payaska baku watawikira nani ba purara.

Jirimaya 36:19

Bara baha nani Baruc ra win: —¡Ban kaka, man Jirimaya wal wih yukuwi bas, man nani anira sma ba upla mai kaikbiara!

Jirimaya 44:6

Baha dauki ai munan kupi baiwan bara lawi daukri, bara bal Juda tawanka nani ba pauta klauhan ni angkuna, Jerusalem tawan yabalka ba sin. Nanara baha nani aisawan upla iwras tasbaya bîla man ban sa naiwa kat.

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Jirimaya 52:30

baha wina kli 23 mani king aimaki kata ba piua ra kli Nebuzaradán mita 745 upla nani Juda wina brih wan, bara sut ba kulkan 4,600 upla nani witin priski brih wan.

Isikiel 12:19

Bara kuntri uplika nani ra wis Jerusalem, bara Israel luhpia nani sut: ‘Naha wisa Dawan ba: Sarikira ni patam pih banhma bara sibrinkira ni, diaia laya ba dima. Kuntri ba sauhkan pali kabia bara bîla man kabia; bahara iwi nani saurka tâka ba mita.

Isikiel 22:15

nisan nani tilara mai yakabamna, tasba wala nani ra ilihbi mai swimna, bahara tâskikam ba aiska klin mai daukamni.

Isikiel 5:10

Man nani tilamra ai luhpia papira aisika nani bâra sa, bara luhpia nani sin ai papika ra pi nani ba bâra sa. Man mampara lâ ba daukamni, bara dîa takaskbia ba plis bani ra lakamna.

Daniel 8:9

Aringka nani kumika ba wina aringka sirpi kum pâwi bal taki, tara pali pâwan, muna tani ra, lalma ra bara Tasba Painkira ba tani ra sin.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Libait Lâka 26:22

Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Nahum 1:3

Dawan ba piua wihka ai kupia alki takaski brisa, sakuna witin karnika tara brisa, bamna pâtkira ba lika witin klala yabras ni ban swibia apia. Dawan ba skwal pura bâk wapisa; bara kasbrika pihni nani ba, witin ai mina auhika pukpukika nani sa.

Abakuk 3:14

Man trisbaikam nani ni, witin nani ai wihtka tara ba ikram, witin nani ai araska âiulra nani ba, pâsa saura karna krawi ba baku, yukuwan lâka ra bal takan, upla nani ai kan kahbaika âpu nani ba mapara, bara yukuwan lâka ra sauhki tikaia.

Sofonías 3:6

Dawan kasak aisisa: “Yang nisan nani ba âpu daukri, tawerka nani, tawanka kutbanka nani ba sin slingbi âpu daukri, bara tawanka yabalka nani bîla ba, upla iwras yabalka daukri. Upla kumi sin bâk lui waia apia daukri. ¡Tawanka tara ba bîla man swin, upla kumi sin bâra âpu!

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Sakaraya 8:1

Dawan, karnika sut bri ba, naha bîla nani na aisaia ai win:

Sakaraya 9:14

Dawan bal ai uplika nani purara latan takbia; imyula lipi baku ai trisbaika nani lulkbia. Dawan, Gâd, trumpit ba puhbia, waupasa payaska karna krawi nani ba tilara wapi balbia.

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.