Sakaraya 6:14 - DAWAN BÎLA AISKA

¹⁴ Bara kraun nani ba Dawan tempelka ra suni swibia, Heldai, Tobías, Jedaías, Josías Sofonías luhpia ba, naha nani ra tara kulkanka yabi ba wan kupia krauki kaia dukiara.’ ”

Sakaraya 6:14 ပူးပေါင်းရင်းမြစ်များ

2 King Nani 25:18

Bara kamandanti, suldiar nani lalka tara ba, prîs tara Seraías ba sin alkan; bara Sofonías ba sin alkan, utla playka tara nani aihwaki kaiki kan nani yumhpa kan ba sut alkan.

Impakan Sturka 12:14

Baha yua ba man nani kupiam kraukaia yua kum kabia, ban kaia ra. Naha yua, piu aula bani, man nani bui yang ra lilia tara dauki aiki kama, bara lâ kum luhpiam nani ra sin smalki kama ban kaia ra.

Impakan Sturka 28:12

Baha walpaya wâl ba, Eran lama prakaika pahpaya purara kabia, Israel luhpia nani nina ba. Baku Eran, Dawan mawanra baha nani nina ba brih wabia, bara Dawan baha nani ra ai kupia krauki kabia.

Impakan Sturka 28:29

Bamna baku, Eran Dawan watla holi pliska ra wih dimbia. Bara ai lama prakan ba purara, lâ dauki dukia nani ba ra, Israel luhpia nani nina ba sin bri kabia Dawan mawanra, baku Dawan bui witin nani ra luki ba ban kabia.

Sakaraya 6:10

“Upla nani ai tasbaya wina kangban Babilon ra wan kan, kli tawi balan nani ba: Heldai, Tobías, bara Jedaías, witin nani wina prisantka makas. Baha ningkara kau lapta dimras bara mahka Sofonías luhpia waitna, Jasua watla ra was.

Sakaraya 6:11

Silbar bara gul brima ba ni, kraun nani pasks, bara Josadac luhpia waitna, prîs tara, Jasua lal ra kraun kum mangks.

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 31:54

Baku bamna, Moses bara Eleazar wal, war uplika tâ brin nani gul bri balan ba brin bara asla takaia tintka watla ra brih wan, baku Dawan bui Israel luhpia nani dukiara luki ban daukan.

Matiu 26:13

Kasak pali man nani ra mai wisni, ani anira naha swaki sakan sturka yamni na smalkan kabia ba ra, tasba aiska ra, naha mairka daukan na sin aisin kabia, upla nani witin ra ban luki kaia ba dukiara.

Mark 14:9

Kasak pali mai wisni: Ani anira sturi yamni aisi smalkbia ba, tasba aiska ra naha mairka daukan na sin aisabia, witin dukiara ai kupia krauki kaia ba mata.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Jasua 4:7

bara man nani bui witin nani ra wima: ‘Yu kumi kan Dawan lâka auhbaia watla ba Jordan awala bâk brih twilki luan bara lî ba lâ auhbaia watla ba mawan lilak tar baiki lâkan kan, baikanka wâl daukan. Bara naha walpaya nani na, baha takan ba dukiara luki Israel luhpia nani wan kupia krauki kabia nâra bri balan ba.’ ”

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.