Sakaraya 6:13 - DAWAN BÎLA AISKA

¹³ Dawan tempelka ba witin kli mâkbia, bara king kum ra kulkanka lâka yabi nani ba bribia. Witin ai iwaika ra iwbia bara tâura wihta aimaki kabia, bara prîs ba sin ai iwaika lamara iwbia, bara wal ai lukanka kumi laman lâka ra iwbia.

Sakaraya 6:13 ပူးပေါင်းရင်းမြစ်များ

Blasi Sturka 14:18

Bara Melkisedek, Salem kingka, Gâd Laih Purara iwi ba prîska ba sin, witin brit bara wain wal Ebram ra balan ba ra,

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Lawana Nani 110:4

Dawan ba swer takan, bara ai kupia kli lakbia apia: “Man ba prîs sma ban kaia ra, Melkisedek baku lâka ra.”

Lawana Nani 21:4

Ai rayaka man wina makaban, witin ra yaram, rayaka yari kaia ban kaia ra sin.

Lawana Nani 21:5

Witin ra tâ baikram ba, tingkika maikisna, karnikam ba tara sa; mayunra bara pain kulkan lâka witin purara kahbram.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 22:24

Ai aisa watla prana, yamnika kulkanka lâka sut ba witin ra skahkbia, luhpia nani bara mulika nani sin, glas sirpi nani sut, ban kâp nani sut, diara mangkaika lupia nani ba sut.

Aiseya 54:10

Ban kra il nani ba, ai pliska wala ra tawbia kra bara kiuhsi nani ba tasba ra kauhbia kra, yang latwanki ba lika man dukiamra aihka lakamna apia, baku sin tasba ra kauhbia apia sa, yang lâ daukri kupia kumi lâka ba.” Dawan umpira mai kaiki ba baku wisa.

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 33:15

Baha yua ba balbia ba ra, yang daukamna Debit witin ai kiamka pali bribia, bara kasakka lâka, wapni lâka ba sin naha kuntrika ra bapamni.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Sakaraya 4:14

Bara witin kli ai win: “Baha nani wâl ba sika, bâk saki ridi daukan sa, Dawan warkka daukaia tasba aiska ra.”

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.

Sakaraya 6:11

Silbar bara gul brima ba ni, kraun nani pasks, bara Josadac luhpia waitna, prîs tara, Jasua lal ra kraun kum mangks.

Roman 5:1

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa.

Kolosi 1:2

naha wauhkataya ulbisna, Kolosi tawanka ra Gâd uplika nani bara Kraist ra kasak luki nani bahara iwi banhwi ba sut ra. Gâd wan Aisa mita ai kupia yamni lâka bara kupia kumi lâka sin man nani puramra blîkbia.

Hibru Nani 3:1

Baku bamna, muihki kristian nani sma ba, man nani sin Gâd mita ai luhpia nani kaia wisi mai paiwan ba, Kraist Jisas ra kaiki bas, witinka Gâd mita blikan ba, yawan wan kasak lukan lâka warkka dauki ba Prîska Tara kaia dukiara.

Hibru Nani 6:20

bara bahara sika Jisas yawan dukiara dimi wan ba, yabal kum kwâki wankaia dukiara. Baku Jisas ba ban kaia ra prîs tara kum takan sa, Melkisedek prîska lâka ba baku.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.