Sakaraya 6:12 - DAWAN BÎLA AISKA

¹² Witin ra wis: ‘Dawan, karnika sut bri ba kasak aisisa, baha waitna nina Urhwi Takaia mâkan ba, witin ai wakia wina pâwi taki, Dawan tempelka ba witin kli mâkbia.

Sakaraya 6:12 ပူးပေါင်းရင်းမြစ်များ

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

Esdras 3:10

Bara tempel mâmakra nani ba mahka Dawan watla playka nani bapi kan yua ba, prîs nani ai prâka diman, bara lamara bûi kan bara trumpit nani sin puhban. Bara Asaf kiamka Libait nani ba lika bin daukaia pânka tara nani ba bri kan Dawan ra mayunaia dukiara, Israel kingka Debit dîa win ba kat daukaia.

Esdras 3:8

Zorobabel, Salatiel luhpia waitna ba, bara Jasua, Josadac luhpia waitna, witin nani ai pânika prîs nani wal asla ba ra, Libait nani ba aikuki, baku sin kangbi sakan kan kli tawi balan uplika nani sut kira asla pali, mahka kli tempel ba paskaia warkka tâ krikan, naha lika kli Jerusalem ra balan piua wina mani wâl pura kati wâl ra tâ krikan, bara Libait nani 20 mani bri ba wina ai purara uplika nani ba mihta ra mangkan, Gâd tempelka mâkaia warkka ba.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 33:15

Baha yua ba balbia ba ra, yang daukamna Debit witin ai kiamka pali bribia, bara kasakka lâka, wapni lâka ba sin naha kuntrika ra bapamni.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Isikiel 41:1

Baha waitna ba mita tempel lilapas kat ai brih wan, bara playa tara skwir nani wâl ba kulki kaikan, baha wâlsut ba yahpika twaknika tnaya kumi bani ba 10 pît kan.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Sakaraya 3:8

Jasua, prîs tara, aman pali wals, prîs wala nani ba sin naha na walaia sa, kan man nani sut naika yang duki dadaukra Urhwi Takaia ba lilka kum sma.

Sakaraya 8:9

Dawan, karnika sut bri ba, naku aisisa: “Man nani, Dawan karnika sut bri ba tempelka kli mâkaia karna bûi bas; naha yua prapit nani dîa aisi ba walan sa, Dawan watla playka nani bapan ba dukiara.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Matiu 26:61

naku win: —Naha waitnika naku aisin: ‘Yang sip sna Gâd tempelka ba sauhki tikaia, bara yu yumhpa ra kli bapaia.’

Mark 14:58

—Yang nani naku aisi kan walri: ‘Naha tempelka upla nani mita mâkan na sauhkamna, bara yu yumhpa ra yang mita upla nani mâkras tempelka wala kum mâkamna.’

Mark 15:29

Bara ai lamak lui nani ba witin ra swira daukan, ai lal sin wauhi, naku aisin: —¡Alai, man tempel batakisma bara yu yumhpa ra kli bapisma ba,

Mark 15:39

Rom kiaptinka kum Jisas mawan tani ra bûi kan ba kaikan bara walan, nahki Jisas ai bîla baikra tara wini si, pruan ba. Bamna witin bila: —Kasak pali, naha waitnika na Gâd Luhpia kan.

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Jan 1:45

Bamna Pilip lika wan Natanael pliki, bara naku win: —Yang nani waitna kum kaikri, witinka dukiara Moses bara prapit nani mita ulban kan ba. Baha ba lika Jisas Nasaret wina, Josep luhpia ba.

Jan 19:5

Jisas latara taki balan, kiaya kraunka ba ai lal ra bapi, bara kwala balianta talia ba sin dimi. Bamna Pailat bila: —¡Kaiks, waitnika nahara ki!

Apastil Nani Sturka 13:38

Muihki nani, man nani sut pain kaikaia sma, wan saurka nani swih tikaia lâka ba lika Jisas bâk mai wisa.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

Hibru Nani 10:12

Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan.

Hibru Nani 7:24

Sakuna Jisas lika pruras raya ban sa, bara witin prîs warkka dauki ba upla wala ra laki yabras sa.

Hibru Nani 7:4

Baku bamna, ¡man nani kaiks, nahki witin lika upla tara pali kan ba! Ebraham wan damika ba mita war aiklabi king nani wina diara win takan ba matawalsip bani wina kumi ba witin ra yaban.

Hibru Nani 8:3

Prîs tara bani ba prisant nani bara sakripais nani sin yabaia wisi mangkan sa; bara baku sin, Jisas Kraist ba diara kum yabaia witin bri kaia sa.