Sakaraya 6:11 - DAWAN BÎLA AISKA

¹¹ Silbar bara gul brima ba ni, kraun nani pasks, bara Josadac luhpia waitna, prîs tara, Jasua lal ra kraun kum mangks.

Sakaraya 6:11 ပူးပေါင်းရင်းမြစ်များ

2 Samuil 12:30

Bara Rabá kingka lal wina gul kraunka ba alki brin, kraunka ra walpa manakira nani sin manis bâra kan, wirhika ba 75 paun nani bri kan, kraunka ba Debit lal ra mangkan. Diara wala manakira nani dukia manis sin tawanka wina sakan,

Esdras 10:18

Naha prîska nani na sika tringsar mairin nani ba ai maya brin ba: Jasua kiamka nani ba wina, Josadac luhpia waitna ba, ai taya nani tila wina: Maaseías, Eliézer, Jarib bara Guedalías,

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Lawana Nani 21:3

Man bui witin ba yamnikam tara nani wal briram, bara ai lal ra sin gul aihwa kraunka kum mangkram.

Impakan Sturka 29:6

Lal ra wilkaika ba lal ra wilkma, bara gul pali pruki tanta dauki bahara ulban ba pîska ba sin, lal ra wilkma, baha mita prîs sunu saki ba.

Impakan Sturka 39:30

Bamna witin nani sin gul aihwa ba amar ni pruki tanta dauki, prîs kum aihka sunu sakan, sîl baku daukan bara bahara naku ulban: “Dawan yaban.”

Yamni Kulki Lawana 3:11

Saion mairka nani, ¡king Salaman aula ba, taki kaiks! Ai kraunka ai lal ra mangki aula, baha lika ai yaptika mita dauki yan ba, witin ai maya wal marit takan ba yua dukiara, baha yua kau lilia ba, ai rayaka sut ra.

Libait Lâka 8:9

Baha wina kli lal purara kiaputka ba sin bapan, baha kiaputka ba purara, mawan tani ra gul ni prana daukan ba ni prakan, Dawan ai yamnika yabi prîs tara lâka ra mangkan ba tukinka, Dawan win ba baku daukan.

Hageo 1:1

Darío mani wâl Persia kingka kan piua ra, kati matlalkahbi, lapta yu kum aimakan ra, Dawan ai prapitka Hageo bâk aisin ai bîla dahra ba; Zorobabel, Salatiel luhpia waitna, Juda tasbaya ra wihta tara aimaki kan ba ra wiaia, prîs tara Jasua, Josadac luhpia ra sin wibia dukiara.

Hageo 1:14

Dawan baha bîla aisin ba wal, Zorobabel, Juda wihtka tara ba, Jasua prîs nani wihtka ba sin, bara upla nani sut ba, kati matlalkahbi, yua 24 aimakan ra, Darío pat mani wâl king aimaki kan ba ra, witin nani mahka buan ai Gâdka, karnika sut alki bri ba Dawanka, tempelka ba kli paskaia.

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Sakaraya 3:5

Bara insal ba kli ai walka nani ra win, kwala tâski âpu Jasua lal ra wilkaia. Witin nani baha ba daukan, bara kwala pranakira ba sin dingkan. Insal ba lika bâra bûi kan.

Sakaraya 6:14

Bara kraun nani ba Dawan tempelka ra suni swibia, Heldai, Tobías, Jedaías, Josías Sofonías luhpia ba, naha nani ra tara kulkanka yabi ba wan kupia krauki kaia dukiara.’ ”

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

Param Marikanka 19:12

Ai nakra nani ba pauta lakni baku klauhi kan, bara ai lal purara kraun ailal bri kan. Nina ulban kum bri kan, bara witin baman baha ba kakaira kan.

Param Marikanka 6:2

Yang kaikri, bara bahara aras pihni kum kata, bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.