Sakaraya 6:10 - DAWAN BÎLA AISKA

¹⁰ “Upla nani ai tasbaya wina kangban Babilon ra wan kan, kli tawi balan nani ba: Heldai, Tobías, bara Jedaías, witin nani wina prisantka makas. Baha ningkara kau lapta dimras bara mahka Sofonías luhpia waitna, Jasua watla ra was.

Sakaraya 6:10 ပူးပေါင်းရင်းမြစ်များ

2 King Nani 25:18

Bara kamandanti, suldiar nani lalka tara ba, prîs tara Seraías ba sin alkan; bara Sofonías ba sin alkan, utla playka tara nani aihwaki kaiki kan nani yumhpa kan ba sut alkan.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Jirimaya 28:6

—¡Âu, ban kra Dawan baha daukbia kra si! ¡Man aisaram bîla nani ba Dawan ban kra baku daukbia kaka pain pali, tempel dukia nani ba kli bri balbia upla nani Babilon ra brih wan ba sin kli balbia!

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.