Sakaraya 5:3 - DAWAN BÎLA AISKA

³ Bara witin naku ai win: “Wauhkataya ba ra ulban sa, naha kuntrika aiska ra lahtubanka alkuya ba. Tnaya wâl ra naku ulban sa, kunin aisi impliki swer taki nani ba sut klala briaia sa.

Sakaraya 5:3 ပူးပေါင်းရင်းမြစ်များ

Impakan Sturka 20:15

“Man implikpara.

Sins Lâka 29:24

Âimplikra wal tauki uplika lika, ai rayaka pali ra misbara kaikisa; kan lahtubanka bîla aisin ba walisa bara ai dahra sakras.

Sins Lâka 3:33

Dawan upla watawikira watla ba saura lakisa, sakuna kasakkira nani watla ba yamni munisa,

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 5:2

Upla ailal bâra sa Dawan nina ra aisi swer takisa, sakuna witin nani kunin man aisisa.”

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Isikiel 2:9

Bara kaikri mihta kum sakban kan yang tani ra, witin wauhtaya kum ulbi blaki bri kan.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Libait Lâka 19:11

“Man nani implikpara. Man nani kunin aisapara, pana pana kunin munpara.

Libait Lâka 19:12

“Yang nini mâki pramis kunin daukpara, kan Gâdkam nina sauhkisma. Yang sika Dawan.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Malaquía 4:6

Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Luk 21:35

Mina alkaia kumi ai bîla prakuya ba baku kabia, naha tasba ra iwi uplika sut ra.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

1 Timoti 1:9

Wan kupia kraukaia sa, lâ ba upla yamni nani dukia wisi daukras sa; lâ ba lika mangkan sa, kiamapara nani ra klala yaia, bîla wali daukras nani ra, watawi dadaukra nani ra, saura dadaukra nani, Gâd ra kulkras nani ra, kristian lâka sin kulkras nani ba, ai aisa ra, apia kaka ai yaptika ra iki uplika nani ra, upla âikra nani sut,

Jems 5:12

Sakuna, muihki nani, diara sut purkara swer takpara pali, kasbrika purara ba nina mâki, tasba nina mâki kra, swer sâtka wala sin daukpara. Man nani “âu” wima ba, yarka “âu” kabia, bara “apia” wima kaka, yarka “apia” kabia; baku mika Gâd lika pât ra mai dingkbia apia.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Jasua 9:20

Yawan bui witin nani ba swika raya kaia sa, kan yang nani swer taki Dawan wal pramis takri lâka ba krikamna kaka, Dawan sin yawan ra klala wankbia.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.