Sakaraya 4:7 - DAWAN BÎLA AISKA

⁷ Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

Sakaraya 4:7 ပူးပေါင်းရင်းမြစ်များ

Esdras 3:10

Bara tempel mâmakra nani ba mahka Dawan watla playka nani bapi kan yua ba, prîs nani ai prâka diman, bara lamara bûi kan bara trumpit nani sin puhban. Bara Asaf kiamka Libait nani ba lika bin daukaia pânka tara nani ba bri kan Dawan ra mayunaia dukiara, Israel kingka Debit dîa win ba kat daukaia.

Lawana Nani 114:4

¡Il nani ba, bara il unta tara nani ba, guts bara sîp lupia srutwi puli ba baku srutwi pulan!

Lawana Nani 114:6

¿Dîa man nani ra takan, il nani bara il unta tara nani man nani srutwi katma ba, guts bara sîp lupia nani baku?

Lawana Nani 118:22

Walpa utla mâmakra nani bui lulki swin ba, baha pali sika wihtka pali takan ba.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 41:15

Bara kaiks plawar taya sakaika watlika ra yang mai mangkamni, taya sasakra raya, napa nani pain pali; il nani ba taya sâkma bara akbi yuya daukma, bara kiuhsi nani ba taya man daukma.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Miqueas 4:1

Mani nani kau lui wabia ba ningkara, Dawan ra pura sunaia watla ilka ba lika tara pali kabia. Il wala nani sut wal kau purara kabia. Nisan nani sut bahara aidrubi banhwi kabia;

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Sakaraya 4:8

Baha ningkara, diara wala smalkaia Dawan ai win:

Sakaraya 4:9

“Zorobabel mita naha tempelka playka nani ba bapan sa, bamna witin mita aiska mâki daukbia.” Baku man nani damra walma, karnika sut bri Dawanka ai blikan ba.

Matiu 21:21

Jisas witin nani ra win: —Kasak pali man nani ra mai wisna, kasak lukan lâka brih, namhpa namhpa lika lukras sma kaka, kwah damni dusa ra daukri na man nani daukma; bara naha baman apia, sakuna naha ilka ra sin wima: ‘Naha wina taki, kabu ra wih dims’, bara baku takbia.

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Mark 12:10

“¿Man nani Ulbanka ra aisi kaikras katma ki? Naku wisa: ‘Utla mâmakra nani mita bahki kulkan walpaya ba, naha walpaya na tâura bapan walpaya takan.

Luk 20:17

Sakuna Jisas baha nani ra kaiki, naku win: —Baku bamna, ¿Ulbanka ra bâra ba, dîa wiaia tânka sa ki? Naku wisa: ‘Baha walpaya utla mâmakra nani mita lulkan ba, baha sika raya wihtka takan ba.’

Luk 3:5

Albangka nani sut yakabi prakan kabia, il tara nani bara il sirpi nani ba sut langni daukan kabia, yabal warha nani ba sut wapni daukan kabia, yabal prumhni bri bani ba sin kriki langni daukan kabia;

Apastil Nani Sturka 4:11

Naha Jisaska sika walpa ba, sakuna man nani utla mâmakra nani mita witin ba bahki kulkram, ban sakuna witin sika walpa kau painkira ba.

Roman 11:6

Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

1 Pita 2:7

Man nani kasak lukisma ba mampa ra lika, baha walpaya ba mana tara pali brisa; sakuna kasak lukras nani ba mapa ra lika, Ulbanka ra naku aisi na tnata alkisa: “Utla mâmakra nani mita lulki swin walpaya ba, kau rayaka wihtka walpaya takan sa.”

Param Marikanka 16:20

Bara kî dakura nani ba sut, lî nani ba sin lap tiwan.