Sakaraya 4:10 - DAWAN BÎLA AISKA

¹⁰ “Zorobabel kainara wark tâ bukan nani ba, yamni wark sirpi nani ba tâ krikras kan, sakuna nanara Zorobabel wark aiska daukbia ba kaiki, witin nani sin lilia takbia.” Baha ningkara insal ba bal pura praki, aisin: “Ingni nani 7 bâra ba sika, Dawan nakra nani, tasba aiska ra kaiki tauki ba.”

Sakaraya 4:10 ပူးပေါင်းရင်းမြစ်များ

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Job 8:7

Yuyaka man bri katma ba lika baha ba bahki sa, naika ra man dukiam nani briaia sma ba wal praki kaikbia ba ra.

Lawana Nani 33:14

Witin anira iwi ba wina, tasba ra iwi uplika nani ba sut kaikisa.

Sins Lâka 15:3

Tasba bani ra, Dawan nakra bâra sa; saura nani, yamni nani sut purara aihwaki kaikisa.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Aiseya 66:11

bara witin, yapti baku, ai lama bilara, maisa nihkra tialka laya bri ba wina laya dih, man nani âmyapah takma ba kat.

Aiseya 66:14

Man nani baha kaikma, bara kupiam lilia takbia, bara man nani dusam ba kli raya karna takbia twi raya taki pâwi ba baku; bara Dawan mita ai dukia dadaukra ba param marikan kabia, bara ai waihla nani mapara, ai kupia baiwanka ba marikbia.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Isikiel 1:14

Bara naha rayaka bri nani ba plapi wih kli plapi baku kata, imyula baku.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Emus 7:2

tristrisia nani ba bal insla aiska ba pih âpu dauki kan, bara yang wîri: —¡Dawan, Jekob kiamka nani saura daukan pâtka ba ban swih tiks! ¿Witin nani nisan sirpi bamna nahki muni nisan wala mapara bapi bubia ki?

Emus 7:5

Bara yang wîri: —¡Dawan, pliskam ban takasks! ¿Jekob kiamka nani maura lupia baman ba, nahki bapi buaia sip kabia ki?

Hageo 2:3

“Tempel almuk pranakira pali mâkan kan kaikan uplika nani ba, nanara yawan raya bri na nahki kaiki ba wan wibia. ¿Almuk ba wal praki kaiki ba ra, naha raya na prana lika bahki sa apia?

Sakaraya 3:9

Yang sin Jasua mawanra walpa kum tnaya 7 bri ba mangkri, bara yang mihti ulbanka kumi baha walpaya ra swimna. Baha wina yu kum bilka ra, yang naha tasbaya uplika nani saurka wina dakbi sakamna.

Sakaraya 9:1

Naha bîla nani na sika, Dawan aisin ba Hadrac kuntrika, Damaskus tawanka mapara: “Siria tawanka tara nani sut ba, Dawan tawanka sa, Israel kiamka nani sut Dawan uplika nani ba baku.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Param Marikanka 5:6

Bara king iwaika ba diara rayakira walhwal ba lilapas, almuk nani ba lilapas kat, Sîp Luhpia kumi bûi kan kaikri, baha ba ikan baku kata. Witin ba aringka 7 bara nakra sin 7 bri kan; baha Gâd spiritka nani 7 tasba aiska ra blikan ba.

Param Marikanka 8:2

Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan.