Sakaraya 3:8 - DAWAN BÎLA AISKA

⁸ Jasua, prîs tara, aman pali wals, prîs wala nani ba sin naha na walaia sa, kan man nani sut naika yang duki dadaukra Urhwi Takaia ba lilka kum sma.

Sakaraya 3:8 ပူးပေါင်းရင်းမြစ်များ

Lawana Nani 71:7

Yang na upla sut nakra ra aihka katna, ban sakuna, man ba yang yukuwaiki sma.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 20:3

Bara Dawan bila win: “Yang duki dadaukra Aiseya ba mani yumhpa sûs âpu bara ai prâka tara ba dimras tauki kan, Idsip bara Etiopía wal mapara sain baku mariki kan.

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 49:3

Bara ai win: “Israel, man ba yang duki dadaukra sma, man ra ni yang praina daukamni.”

Aiseya 49:5

Yang Dawan Gâdki mawanra kulkanka briri, kan witin ba sika yang karniki. Dawan ba ai paskan kan yaptiki biara ra kapri wina witin ai dukia dadaukra kaia dukiara bara yarka Israel ba, Jekob uplika nani ba, kli balbia bara witin ra asla takbia.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 8:18

Yang, yang luhpi nani sin Dawan wina aikan ba, Israel luhpia nani ra sain aihkakira kaia ba dukiara sa, Dawan, karnika sut bri ba mita ai mangkan sa witin Saion ilka ra iwi ba.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 33:15

Baha yua ba balbia ba ra, yang daukamna Debit witin ai kiamka pali bribia, bara kasakka lâka, wapni lâka ba sin naha kuntrika ra bapamni.

Isikiel 12:11

Wis man ba witin nani mapara maisa pakaia tukinka kum sma, bara daukaia kabia dîa man nani daukram ba baku, kan alba lâka ra brih wan kabia.

Isikiel 12:6

Bara tihmia iwbia bara sin, dukiam nani ba pamhpaya ra suns bara mamwan praki upla sut mai kaiki kaka brih taki was. Tânka lika man ani kuntrika ra auma sapa kaikras. Yang brinki sa man ba bin dauki kaia tukinka kum kama Israel luhpia nani ba mapara.”

Isikiel 24:24

Isikiel ba man nani mampara smalkanka kum kabia, bara dîa dîa witin daukan ba sut, man nani daukma. Naha takbia ba ra, tânka bri banhma yang sika Dawan sna ba.

Isikiel 34:29

Insla mangkan mâ ailal yabamna, bara witin nani kli plun wauhbia apia; nisan wala nani ba sin, witin nani lawaska kikbia apia.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Sakaraya 6:12

Witin ra wis: ‘Dawan, karnika sut bri ba kasak aisisa, baha waitna nina Urhwi Takaia mâkan ba, witin ai wakia wina pâwi taki, Dawan tempelka ba witin kli mâkbia.

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,