Sakaraya 3:4 - DAWAN BÎLA AISKA

⁴ Bamna insal ba ai walka nani ra win, Jasua kwalka tâski ba daikbia. Daikan, bara Jasua ra win: “Kaiks naha tânka sika saurkam ba man wina sakri, ¡nanara kwala pranakira maikaia sna!”

Sakaraya 3:4 ပူးပေါင်းရင်းမြစ်များ

2 Samuil 12:13

Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

1 King Nani 22:19

Bara Micaías kau aisin: —Baku aisaram ba mita, Dawan bîla na wals: Yang kaikri Dawan ba ai king iwaika ra iwi kan, bara kasbrika ra insal nani sut ba lika witin ai tnaya kir bûi banhwi kata, ai mihta aihkika tani bara ai mihta smihka tani ra sin.

Lawana Nani 51:9

Saurki nani ba, namkra wina laihura sâks, bara watawanki nani sut ba wina sin diki ai sâks.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jirimaya 52:33

Baku daukan ba mita, Joaquín silak watla ra dimi kan prâka ba daikaia sans brin, bara king lamara iwi piaia, witin kau raya kan yua nani ba sut.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 42:14

Ani taim prîs nani ba tempel ra dimi wark daukuya ba ra, witin ai prâka dimi wark daukan ba daikras ban tempel latka ra upla nani tilara taki wabia apia, kan ai prâka dimi ba sunu daukan bamna witin kwala wala dimi ba ra lika upla nani tilara waia sa.”

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Miqueas 7:19

Man bui yang nani ra kli umpira ai kaiki kama, saurki nani daukri ba, tasba ra minam ni taibi bikma, bara yang nani watawi daukri ba sut, man mita kabu tihuka ra rungki tikma.

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Sakaraya 3:7

“Karnika sut alki bri ba Dawanka, naku aisisa: ‘Yang yabalki nani kat wapi bas, bara diara sut mai wisatna ba kat dauks. Baku daukma kaka, puri sunaia watla ba mihtam ra ban kabia. Baha watla bîla lâka nani ba aihwaki kaiki kama kaka, naha insalka nani, yang duki dauki ba tilara wark kum daukaia mai mangkamna.

Sakaraya 3:9

Yang sin Jasua mawanra walpa kum tnaya 7 bri ba mangkri, bara yang mihti ulbanka kumi baha walpaya ra swimna. Baha wina yu kum bilka ra, yang naha tasbaya uplika nani saurka wina dakbi sakamna.

Matiu 22:11

“King ba paiwan uplika nani kaikaia diman, bara witin waitna kum kaikan marit pata ra dimaia kwalka ba dimras kan.

Luk 1:19

Insal ba pana witin ra win: —Yang lika Gabriel, Gâd dukia dadaukra ba; witin mita ai blikan naha sturka man ra maisam paki mai wiaia.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Hibru Nani 8:12

Witin nani watawanka nani ba ban swih tikamna, lukamna apia,” bara ai saurka nani ra yang kli kupi kraukamna apia.’’

Param Marikanka 5:11

Baha ningkara kaikri, bara insal ailal bîla baikra walri; baha nani ba king iwaika ba kir, diara rayakira nani ba, bara almuk nani ba sut kir kata. Witin nani ba milian bara milian kan,

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.