Sakaraya 14:9 - DAWAN BÎLA AISKA

⁹ Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Sakaraya 14:9 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Lawana Nani 67:4

Yarka nisan nani ba liliakira mai winbia, man wihta aimakisma lâka ba, upla nani ra kasakka lâka kabia; ¡man sika tasba aiska ra nisan nani ba tâ brisma!

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Aiseya 54:5

kan mai papaskra ba, ai maya mairin mai bribia; ai nina ba Dawan karnika bri ba; man sasakrikam ba, Gâd Holikira, Israel wina ba, tasba aiska Gâdka ba.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Emus 9:12

Baha mita Edom uplika nani kau swin kabia ba, nisan wala nani yang duki kulkan nani ba sut, Israel luhpia nani kli ai dukia bribia.” Dawan witin aisin ba, baku daukbia.

Abdías 1:21

Baha nani sut pura lui buaia karnika ba wal, bal Saion ilka ra uli wabia Isau ilka nani tasbaya lâka daukaia. Bara Dawan lika baha nani kingka aimaki kabia.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Sofonías 3:9

“Baha yua ba balbia ba ra, upla nani ba kasakka tânka bîla nani baman aisaia daukamni, bara upla sut yang ra ai pura sunbia, upla sut kumi baku warkki daukbia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Malaquía 1:14

¡Saura pali kabia baha uplika ra ai daiwra daknika wina daiwan sunu kum, sakripais dauki aikaia wisi, watlika ra daiwan skahwa kum aiki ba! Yang sika King Tara, nisan nani sut yang ra sibrin lukisa.” Karnika sut bri Dawanka ba naha aisisa.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Kli Smalkanka 6:4

“Wals, Israel: Dawan wan Gâdka ba Dawan kumi sa.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

1 Samuil 2:10

Dawan ba ai waihla nani ba kriki yuya baman daukbia, kasbrika purara ba wina witin nani mapara alwani nani blîkbia. Dawan ba tasba aiska na lâka aisi daukbia; witin sin bâk sakan kingka ra karnika yabia, bara ai karnika ba sin swika pâwi tara takbia.”