Sakaraya 14:8 - DAWAN BÎLA AISKA

⁸ Baha ningkara Jerusalem wina lî kauhla taki kabia bara aubi kabia lî piua ra, mani piua ra sin, bakriki ba Kabu Pauni ra aubi kabia bara bakriki wala ba muna kabuka tara ra aubi kabia.

Sakaraya 14:8 ပူးပေါင်းရင်းမြစ်များ

Yamni Kulki Lawana 4:15

Giadin bîlak lî kârma plapi ba, baha ba liwanhta sa, witinka wina sika Líbano ilka laya aubi ba.

Aiseya 35:7

Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 49:10

“Witin nani kli plun daukbia apia, diran sin daukbia apia, yu laptika mita sin bara lapta bitnika mita sin munbia apia, kan yang bui witin nani ra latwan sna tâ brisna bamna, bara lî kârma nani ra brih wamna.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Joel 2:20

Kruhkru nani yahbra wina man ra aula ba, man wina laihura sakamna bara upla iwras tasbaya ra man lulkamni. Kabu Pruan ra tâura daknika ba, yarka sut kwapi prubia, bara ninara aula daknika ba sin, Kabu Mediterráneo ra rungkamna, bahara wîna ba sukwi, bisbaya takbia. ¡Yang diara tara nani daukaisna!”

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 5:4

Kan insal kumi ai piua kat baha lî madakura ra bal iwi munan aiawi kan, bara ani uplika pas lî aiawanka ba ningkara dimuya kaka, dîa dîa sât sikniska bri kan ba sut wina rawi kan.]

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.