Sakaraya 14:20 - DAWAN BÎLA AISKA

²⁰ Baha yua ra, aras nani nana ra bil lupia nani wilki ba taya ra sin naha bîla na ulban kaia sa: “Dawan mihta ra mangkan sa”. Bara tempel bilara dikwa tara nani ba, kâp tara nani altar ra ba sin aihka sakan kabia Dawan dukia.

Sakaraya 14:20 ပူးပေါင်းရင်းမြစ်များ

1 King Nani 7:50

Baku sin kâp nani, diara klakaia dukia sirpi nani, diaia tara nani, ispan tara, kîa yamni angkaia dukia nani, sut ba gul ni paskan. Baku walpa klauhira nani wal, utla bilara dimaia dur pîska nani ba sin, walpa klauhira ni daukan kata. Holi pali pliska ba bara tempel bilara diara nani ba sut sin gul ni paskan.

2 Kronikas 4:8

Ba purkara tibil matawalsip daukan, bara baha ba tempel ra mangkan, matsip mihta aihkika ra bara matsip wala mihta smihka ra. Baku sin kâp tara 100 daukan.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Impakan Sturka 25:29

plit nani bara diara wala nani sut ba sin gul ni paskaia, ispan tara, sumi, bara plapta nani ba sin, diara laya prisant nani bri balaia.

Impakan Sturka 37:16

Bara wark daukaia dukia yus muni nani sut, tibil purara suni swin kata: plit, ispan, lî watla bara kâp nani, wain laiki prisantka yaia watlika nani ba sut, gul ni paskan.

Impakan Sturka 39:30

Bamna witin nani sin gul aihwa ba amar ni pruki tanta dauki, prîs kum aihka sunu sakan, sîl baku daukan bara bahara naku ulban: “Dawan yaban.”

Aiseya 23:18

Sakuna ai bisniska nani wina diara pura praki saki ba Dawan ra yabia; witin nani swibia apia, kuki sin bribia apia, sakuna Dawan mawanra dukia dauki nani bâra yan kabia, baha wina pi aibanhbia ba kat, bara kwala pranakira nani sin atki dimbia.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Isikiel 45:1

“Tasba ba yui kiamka kumi bani ra yabaia daukbia ba ra, tasba pîska kum bâk sakaia kabia 10 mail yarika bara 8 mail bîla yahpika, baha ba Dawan dukiara bâk sakan kabia. Baha tasbaya sakuya ba holi kulkan kabia.

Libait Lâka 6:28

Sumi dakawa ra prisantka yabi wînka ba yaban lukwan sa kaka, dakawa ba baikaia sa. Sakuna bras dakawa ra yaban lukwan sa kaka, dakawa bîla ba wisbi sikbi klin daukbia.

Libait Lâka 8:9

Baha wina kli lal purara kiaputka ba sin bapan, baha kiaputka ba purara, mawan tani ra gul ni prana daukan ba ni prakan, Dawan ai yamnika yabi prîs tara lâka ra mangkan ba tukinka, Dawan win ba baku daukan.

Abdías 1:17

Sakuna Saion ilka holi ra swakwaia pliska kumi bâra kabia, bara tila upla bahara dimi swak takbia. Jekob kiamka nani ai tasbaya nani ba kli bribia.

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Sakaraya 14:19

Baha klalka ba Idsip uplika nani ra, nisan wala nani ra sin prukan kabia, Utla Papakni liliaka daukaia witin nani waras kabia ba ra.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Kulki Kaikanka 4:14

Bara baha purara, altar ra wark daukaia diara nani yus munan ba sut kahbia: ispan tara nani, park, masku mangkaika nani, kâp tara nani bara diara yus muni nani ba sut. Bara kli baha purara daiwan taya maman kwalka nani ba ni pura bâk palkbia, bara twilkaia dusa nani ba sin mangkbia.

Kulki Kaikanka 4:7

Brit tibil ra kahban ba, Dawan lamara ba sin, kwala blu ni purara palkbia; bara baha purara plit nani ba swibia, ispan tara nani ba, kapka nani ba, kâp tara nani ba, wain laiki prisantka yabaia watla ba bara brit nani ba sin bâra ban kabia.

Kulki Kaikanka 7:13

Witin nani kumi bani ai prisantka bri balan ba naha dukia nani kata: Silbar baulka kum 50 auns bri kan, silbar bisinka kum 30 auns bri kan, tint watla lalahka wirhika kulkanka ba praiska kat. Baha watlika wâlsut ba plawar bara batana laya laiki akban plun mâ prisantka;

Kulki Kaikanka 7:19

bara Nahasón ai prisantka brih balan ba baku, witin sin brih balan.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Apastil Nani Sturka 10:15

Bîla baikra kata ba kli aima wala ra aisin, naku walan: “Gâd mita diara klin daukan ba, man tâski wipara.”

Apastil Nani Sturka 10:28

Bara Pita bila: —Man nani pain kaikisma, Ju sertska ba lâ yaras sa, Ju uplika kum ba Ju apia uplika kum wal asla takaia, apia kaka watla ra kra dimaia. Sakuna Gâd mita ai marikan yang bui upla kumi ra saura, apia kaka tâski sin wimna apia.

Apastil Nani Sturka 11:9

Bara kasbrika pura ba wina bîla baikra ba kli aima wala ra ai win: ‘Gâd mita klin daukan dukia ba, man tâski wipara.’

Apastil Nani Sturka 15:9

Gâd mita yawan na Ju apia nani ba wal kau sât aihka lika wan kulkras sa, kan witin nani ai kasak lukan lâka ba mita ai kupia nani sin klin sakan sa.

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 20:6

Yamni pali bara holikira sa, baha nani naha pruan wina pas buanka tilara bubia nani ba. Prura wala ba witin nani purara karnika kumi sin âpu sa; ban sakuna, witin nani Gâd bara Kraist wal baku nani kabia, bara witin wal mani 1,000 king aimaki kabia.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”

1 Samuil 2:14

bara park ba dingkan dikwa sirpi ra bara dikwa tara nani ra sin bara dîa baha parkka ra alkan ba sakan, baha prîs dukia kan. Israel luhpia nani sut Siló ra wan ba baku munan.