Sakaraya 14:17 - DAWAN BÎLA AISKA

¹⁷ Bara baha tasbaya nisanka nani ba tila wina King, karnika sut bri Dawanka ba ra mayunaia Jerusalem ra waras sa kaka, baha nani tasbaya purara lî auhbia apia.

Sakaraya 14:17 ပူးပေါင်းရင်းမြစ်များ

Blasi Sturka 10:32

Baha uplika nani sut ba sika Noa luhpia nani, ai kiamka nani wina bara ai taya nani ailal takan ba; baha nani wina nisan nani ailal tasba ra bal takan. Lisamra tara luan ba ningkara tasba aiska ra yakaban, bara nisan sâtka ailal ba takan.

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

1 King Nani 8:35

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia kaka, ai saurka daukan ba wina kli tawbia, sari sin takbia kaka,

2 Kronikas 6:26

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia ba ra, ai saurka wina kli tawbia, sari sin takbia kaka,

2 Kronikas 7:13

Yang kasbrika ba prakamna kaka, lî auhaia apia daukamna, bara tristrisia nani blikamna tasba na sauhkaia, bara siknis sâtka blikamna naha uplika nani ra,

Aiseya 18:7

Baha piua ra karnika sut bri ba Dawanka ra, prisantka nani brih balbia, baha uplika nani yakura taya lipni nani, ani anira nisan wala nani mita sîa ba karnakira prautkira nani ba wina, ai tasbaya ra awala nani kir bâra iwi ba, prisantka nani ba Saion ilka ra brih balbia, karnika sut bri ba Dawanka ra baha ra ai pura suni ba ra.

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 14:3

Yuyakira nani albika nani ba lî panhkaia laihura blikisa; lî watla tara nani ra witin nani auya, sakuna lî sakras ai mihta ra, lî watla nani ba bîla man kli tawi aula. Kunin munan swira tara takan, ai lal pura biki tawi aula.

Jirimaya 14:4

Insla dadaukra nani ba witin nani ra sin kunin munan ai dara walisa bara ai lal pura bikisa, kan lî auhras ba mita tasba lâwan pali sa.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Kli Smalkanka 11:17

Kan Dawan bui man nani ra ai kupia sauhki lî blîkbia apia, bara tasba ba plun mâ nani takras kaka, man nani baha tasbaya disang Dawan maikaia ba ra prui tiwma.

Jems 5:17

Prapit Ilayas ba yawan baku upla kum kan; witin lî auhbia apia wisi ai pura sunan ba ra, mani yumhpa pura bakriki naha tasba ra lî auhras kan.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.