Sakaraya 14:12 - DAWAN BÎLA AISKA

¹² Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

Sakaraya 14:12 ပူးပေါင်းရင်းမြစ်များ

2 Kronikas 21:15

Bara man puramra balbia siknis sâtka ailal, klungkam sikniska karna nani, man biamra sirpika nani sut dakwi yakawbia ba kat.’ ”

Job 18:13

Siknis ba, prura luhpia mairin latwankira sa, tawa tawa ai wîna tara ba pih âpu daukbia.

Lawana Nani 90:11

¿Ya kaikisa man lawankam karnika ba? ¿Ya kaikisa man kupiam baiwanka ba?

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Libait Lâka 26:18

“Naha pâtka nani sut brima kat, kau bîli walras kama kaka, kau 7 taim klala maikamna saurkam mana.

Libait Lâka 26:21

“Man nani kau ban saura dauki bîli walras kama, upla kum maipara bubia kaka, yang kli 7 taim klala maikamna, saura daukisma ba praiska kat.

Libait Lâka 26:24

yang sin man nani mampara lawamna, bara kli kau 7 taim klala maikamna saura daukisma mana.

Libait Lâka 26:28

yang sin man nani mampara kamna bara kupi baiwanka ra kli klala 7 wala maikamni saura daukisma ba luki.

Sakaraya 1:15

Baha tâwan kupi kasak baiwan, baha lukras uplika kiamka nani ba mapara, kan yang na wiria man kupi baikri ba ra, baha nani mita saurka ba kau tara daukan.

Sakaraya 12:9

Baha piua ra ani nisanka Jerusalem mapara bubia ba, sauhki tikamna.

Sakaraya 14:15

Baha klala karna upla ra bara aras nani, muyul nani, kiamil nani, biriku nani bara daiwan wala nani sin sut ai waihla nani ai kiampka ra bri ba purara sin kauhaia sa.

Sakaraya 14:18

Idsip uplika nani waras kabia kaka, Dawan mita witin nani ra klala yabia, baku natka ra ani nisanka wala nani sin Utla Papakni liliaka daukaia waras kabia nani ba sin klala yabia.

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Kli Smalkanka 28:21

Man kuntrika pliskam briaisma ba ra, Dawan bui klala blîkka âpu mai daukbia.

Kli Smalkanka 28:22

Pruaia sikniska nani sin blîkbia, rihka saura nani, puskan sikniska nani, lapta karna iwbia, plawarkam nani nasla ra lî auhbia apia bara siknis saura nani ba ninam bliki âpu mai daukbia.

Kli Smalkanka 28:59

witin mita siknis saura sibrinkira nani blîkbia man puramra bara kiamkam nani purara sin, sip rawras sikniska nani ba sin blîkbia.

Param Marikanka 17:16

Bara aringka matawalsip daiwan saura bri kan kaikram ba mita mairin rugkira ba ra misbara kaiki banhbia, bara witin dîa dîa bri ba sut mihta dakbia bara kwala luha swibia; ai wîna tara ba pibia, bara witin ba pauta ni angki sauhki tikbia.