Sakaraya 14:11 - DAWAN BÎLA AISKA

¹¹ Âu, Jerusalem ra kli upla iwi kabia, witin nani ba kli sauhki tikan kabia apia. Witin nani sin baha wina kli taki waia lukbia apia.

Sakaraya 14:11 ပူးပေါင်းရင်းမြစ်များ

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 66:22

Baku sin Dawan kasak aisin: Kasbrika purara raya bara tasba raya ba baku yang paskaisna baha nani bâra ban kabia, baku sin man nani kiamkam nani ba bâra ban kabia, bara ninam ba sin.

Jirimaya 31:40

Tasba langni sut upla pruan biki ba bara yamhpuska bahara lulki ba, baku sin Cedrón langnika sut ba, baha wina Aras Lui ba durka kat, lalma tani holikira lâka ba ban bâra kabia; bara baha sut ba kli bataki sauhki sin tikan kabia apia.”

Jirimaya 32:37

Tawanka uplika nani ba kli asla daukisna, yang kupi baiwan, yang lawri bara yang lawanki tara ra kuntri nani ra yakabri ba wina, yang daukamna witin nani kli bal baha tasbaya ra ai âuyapah iwi kaia.

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Joel 3:17

“Baha yua ra man nani kaikma, yang Dawan, man nani Gâdkam sna ba, yang Saion ra iwisna, ilki holikira ba ra. Jerusalem ba tawan holikira kum kabia; nisan nani bal kli pura lui dakbi bribia apia.

Joel 3:20

Pruan nani ba tâwan yang pana witin nani ra munamni, pâtkira pâtka ba, ban swih tikamna apia. Sakuna Juda bara Jerusalem ra upla bâra iwi ban kabia, bara yang, Dawan, Saion ilka ra iwi kamna.”

Emus 9:15

Witin nani ai tasbaya kat kli bri sal swimna, baha tasbaya wina, upla wala mita kli witin nani ra kangbi sâkbia apia, yang bui witin nani ra yabamna ba.” Dawan, man nani Gâdkam ba, baku kasak aisisa.

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Sakaraya 8:4

Dama nani, kuka nani ba sin ai dusa brih wapi tauki ba, tawan tara watla latka nani ra iwi kabia, witin nani almuk pali takan bamna.

Sakaraya 8:8

bara Jerusalem kat brih wamna bahara iwbia wisi. Baku ba ra witin nani ba yang upliki kabia, bara yang lika ai Gâdka kamna, kasakka lâka ra bara lâ wapni daukaia lâka ra sin.”

Kulki Kaikanka 21:3

Israel luhpia nani makabanka ba Dawan walan bara tâ baikan Kenan uplika nani ra pura luaia, bara Israel luhpia nani mita Kenan uplika nani ra âpu pali daukan bara tawanka nani ba sin, baha tâka sika pliska ba nina Hormá mâkan.

Kli Smalkanka 33:28

Israel ba kasak luki tniwi kabia, ai kiamka nani sut kupia kumi ra lâka ra iwi kabia. Ai tasbaya ra plawar nasla nani bara wain nasla nani bâra kabia, kasbrika purara ba wina witin nani ra lî auhi ban kabia.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 22:3

Lahtuban dukia baha tawanka bilara kau âpu kabia. Gâd bara Sîp Luhpia king aimaki iwaika ba baha tawanka ra kabia, bara ai warkka dadaukra nani mita ai pura suni mayunbia.