Sakaraya 12:7 - DAWAN BÎLA AISKA

⁷ “Ban sakuna, Juda taika nani ba pas, yang, Dawan mita, swaki sakamna, Debit masraka bara Jerusalem ra iwi nani ba sin, Juda masraka nani ba wal kau tara kulkan kaia apia ba mita.

Sakaraya 12:7 ပူးပေါင်းရင်းမြစ်များ

Job 19:5

Ban kra man nani kau yamni sma luki banhwisma ba mita, yang umpirki nani ba maiwanra mangki banhwisma.

Lawana Nani 35:26

Saura ai munan ba kaiki, lilia taki banhwi ba, yarka witin nani sut swira daukan kabia; witin nani ba kau tara sa luki ba, yarka swira daukan prâka aiska dingkan kabia.

Lawana Nani 38:16

Naha baman lika mamkabisni, yang kauhamna kaka, witin nani mita puri luan wisi lawana aiwanbiara.

Lawana Nani 55:12

Waihli kum bui kupi sauhkras sa, baha yang sip katna kupi alki takaskaia; misbara ai kaiki uplika ba sin maipara buras sa, witin wina yang yukuwaia sip katna ba.

Aiseya 23:9

Karnika sut bri Dawanka ba lâ daukan, prana nani, kulkanka tara, praut lâka bri ba swira daukaia dukiara, tasba ra sinskira tara kulkan nani sut ba batakaia.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Roman 3:27

Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”