Sakaraya 12:6 - DAWAN BÎLA AISKA

⁶ Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 12:6 ပူးပေါင်းရင်းမြစ်များ

Aiseya 54:3

kan man pliskam ba kau drabaisma, aihkikam ra bara smihkam tani ra; man kiamkam nani ba nisan ailal pura lubia, tawan nani bîla man swin, upla iwras tawanka nani ba ra iwbia.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Abdías 1:18

Jekob bara Josep kiamka nani ba pauta aswan bâra lakwi ba yabia. Bara Isau kiamka nani ba twi lâwan baku takbia, bara baku baha pauta aswan buki klauhi ba mita twi lâwan nani ba angki âpu daukbia. ¡Isau kiamka wina, kumi sin swak takbia apia! Yang, Dawan, baku aisisna.”

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Sakaraya 1:16

Bahamna, yang Dawan sna ba, naku aisisna: Yang kupi pihni lâka wal Jerusalem ra kli tawi kaikuna; bara tempel bara tawan aiska ba sin kli paski daukamna.’ ”

Sakaraya 11:1

¡Líbano, durkam nani ba kwâks, bara pauta klauhan mita yalamkam dusa nani ba angki âpu daukbia!

Sakaraya 12:5

Baha kaikbia ba ra Juda wihtka nani ai mânka naku aisabia: ‘Dawan, karnika sut bri ba, Jerusalem ra iwi nani ba Gâdka sa, witin baha nani ra karnika yabisa.’

Sakaraya 2:12

Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.

Sakaraya 2:4

bara witin ra naku aisin: “Plaps, kulki kaikaia kiwka brih auya wahmika ra wis: ‘Jerusalem ra upla nani kli wih iwaia sa, bara upla ailal, daiwan sin ailal pali bahara kabia bamna, tawan ba walpa kutbanka nani bilara kabia apia.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Param Marikanka 20:9

Witin nani tasba bîla yahpika ra bal ulan, bara Gâd uplika nani kiampka ba, bara witin latwan kaiki tawanka ba sin kir kutbi brin. Sakuna Gâd mita kasbrika purara ba wina pauta klauhan blikan, bara baha nani sut angki âpu daukan.