Sakaraya 12:3 - DAWAN BÎLA AISKA

³ Baha piua ra nisan nani sut dukiara Jerusalem ba walpa wirha pali daukamna. Ani nisanka baha bukaia munbia ba latwan bribia. Nisan nani sut asla taki Jerusalem mapara bubia,

Sakaraya 12:3 ပူးပေါင်းရင်းမြစ်များ

Aiseya 60:12

Bara nisan kum kra, apia kaka king tasbaya kum kra sin, man nani warkkam daukras kabia kaka, witin ba tanis tiwbia, witin nani ba aiska pali diara âpu tiwbia.

Abdías 1:18

Jekob bara Josep kiamka nani ba pauta aswan bâra lakwi ba yabia. Bara Isau kiamka nani ba twi lâwan baku takbia, bara baku baha pauta aswan buki klauhi ba mita twi lâwan nani ba angki âpu daukbia. ¡Isau kiamka wina, kumi sin swak takbia apia! Yang, Dawan, baku aisisna.”

Miqueas 5:15

Kupi baiwanka pali ni, baha tasbaya uplika nani bîli wali daukras ba mapara saura munamna.”

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Abakuk 2:17

Líbano ilka ra saura munram saurka ba, kli man mampara tawi balbia; bara man sirang tara iwma ai daiwra nani ikram tâwan. Upla nani sin ikram, lâ krikanka nani daukram kuntri bara tawan nani mapara; baha tâka mita naha pâtka nani man puramra balbia.

Sofonías 3:19

Baha piua mai taibi bri nani sut ba mapara buamni. Sîpki prutwi nani ba tâ baikamni, bara aimawahki nani ba sin asla kukamni; tasba aiska ra witin nani ai nina ra yamni kulki mayuni aisaia daukamni bahki kulkan kan lâka ba wina.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Sakaraya 12:11

Bara Jerusalem ra sari pali bri inanka tara pali kum takbia, gâd Hadad-rimón dukiara Meguido tasbaya langnika ra inan tara ini ba baku.

Sakaraya 12:4

ban sakuna, baha piua ra aras nani ba sut tayahkaisna, bara uli nani ba sut lal saura takbia. Sakuna Juda masraka nani ba lika, aihwaki kaiki kabia, nisan nani araska ba lika diara kaikras daukamna.

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Sakaraya 14:13

Baha yua ra Dawan mita upla nani ba sibrin tara ni tayahkbia. Upla kumi bani ai uplika mihta ra alkbia, bara pana pana ai walka mapara ai mihta buki kabia.

Sakaraya 14:6

Baha yua ra kauhla wan daukbia apia, lî klaswan sin âpu kabia.

Matiu 21:44

Bara ya ya walpa ba purara kauhbia kaka, pîs pîs ra kriwbia, bara walpaya ba upla kum purara kauhbia kaka, witinka yuya baman daukbia.

Luk 20:18

Ani uplika baha walpaya purara kauhbia kaka, kriwi pîs pîs takbia; bara pana walpa ba mita upla purara kauhbia kaka lika, yuya baman daukbia.

Param Marikanka 16:14

Naha nani sika dibil nani piritka sain tara nani dauki kan ba. Piritka yumhpa ba mita tasba aiska kingka nani asla daukaia taki auya kan, Gâd witinka karnika sut bri ba yua tara warkka ba dukiara.