Sakaraya 12:1 - DAWAN BÎLA AISKA

¹ Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Sakaraya 12:1 ပူးပေါင်းရင်းမြစ်များ

Blasi Sturka 1:8

Bara Gâd bui pura ba nina “kasbrika pura” mâkan. Bara naku natka ra yu wâlka ba tnata alkan.

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Job 26:7

Gâd mita kasbrika purara ba mangkan sa diara âpu pali tilara, bara tasba ba ban pami swin sa, diara âpu ba purara.

Job 37:18

¿Sip sma ki Gâd ra hilp munaia, kasbrika pura ba kau tara daukaia, bara baha ba aibapi ban swima, bras ni dus wahia daukan aibapi baku?

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 134:3

¡Dawan kasbrika purara ba Papaskra pali ba, Saion ilka ba wina yamni mai munisa!

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Aiseya 40:12

¿Kabu tara ba ya pat ai mihta ra alki kulki kaikan, apia kaka ai mihta sirpika nani ba ni kasbrika pura bîla yahpika ba pat wiria kulki kaikan? ¿Ya pat tasba yuya nani ba sut kâp kumi ra auhban, apia kaka, kiuhsi nani il nani ba sut paun ra mangki kaikan?

Aiseya 40:22

Witin tasba kutbanka na purara kasbrika baila wala ra iwisa, tasba ra nani ba tristrisia nani baku sa; witin kasbrika purara ba slingbi sakisa kwala kum baku, trapalin watla baku bahara palkisa.

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 48:13

Tasba playka na sin yang mihti ni bapri, bara mihti aihkika ba, mihti sirpika bilara kasbrika pura nani ba kulki kaikan; yang bui witin nani ra winri bara bal asla taki maiwanra buan.

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Jirimaya 10:12

Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 30:16

Sakuna ya aiska mai sauhkbia ba aiska sauhkan kabia, waihlam nani ba sut priski brih wan kabia; dukiam nani mihtam dakbi brin ba sin mihta kli dakbi briaia daukamna, dukia na impliki brin nani ba dukia sin implikaia kabia.

Jirimaya 38:16

Sakuna king Sedequías yukuwan ra Jirimaya ra swer taki aisin: —Dawan ra luki yang bui man ra swer takisna, witin yawan ra wan rayaka wankisa, mai ikaia mai blikamna apia, baha nani mai ikaia luki ba mihta ra sin mai mangkamna apia.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Jirimaya 51:15

Dawan, ai karnika ni, tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Joel 3:19

Idsip slingban ba baku ban kabia, Edom sin twi saura tasbaya upla bâra iwras ba baha ban kabia, witin nani mita sika Juda uplika nani ba pâtkas kan, mapara aiklabi tala laiki ikan bamna.

Sakaraya 9:1

Naha bîla nani na sika, Dawan aisin ba Hadrac kuntrika, Damaskus tawanka mapara: “Siria tawanka tara nani sut ba, Dawan tawanka sa, Israel kiamka nani sut Dawan uplika nani ba baku.

Malaquía 1:1

Naha bîla nani sika Dawan, Malaquías ra aisin ba Israel luhpia nani ra wiaia.

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.