Sakaraya 11:7 - DAWAN BÎLA AISKA

⁷ Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Sakaraya 11:7 ပူးပေါင်းရင်းမြစ်များ

Lawana Nani 23:4

Il bîla kau tihmu bâk wapi luamna kra, diara saura bâra sa sibrin lukamna apia; kan Dawan, man, yang wal sma; man sepadkam dusa kînkam ba, baha nani kupi bukisa kasak lukanka ra.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 90:17

Dawan, yawan wan Gâdka, kupiam yamnika ba yang nani purira kabia. ¡Dawan, wan warkka nani ba aitani wisa! ¡Âu Dawan, wan warkka nani ba aitani wisa!

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 40:11

Witin sepad baku ai daknika ba main kaiki aula; sîp lupia nani ba ai klahkla ra twilkisa, swap lupia nani ba, ai lama bîla kat main kaiki alkisa.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Jirimaya 39:10

Juda ra swin ba lika upla kau umpira nani kan ba baman, witin nani diara âpu kan ba; wain nasla nani ba insla daukaia tasbaya nani ba, baha nani ra yan.

Libait Lâka 27:32

“Daiwan matawalsip bani ba wina kumi ba Dawan dukia kulkan sa, bîp sapa, sîp sapa,

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sakaraya 11:14

Baha ningkara dus wala nina “Asla kaia” mâkri ba sin krikri, baha tânka Juda Israel wal ai muihni kaia lâka ba sauhki tikan sa.

Sakaraya 11:4

Naha bîla na Dawan Gâdki bui ai win: “Sîp nani ba aihwaki kaiki bas ikaia watla ra brih waia lâka daukan ba.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Mark 12:37

¿Bamna nahki Misaya ba Debit kiamka kabia, kan Debit pali bui witin ra Dawan wisa kaka? Upla nani, ailal kan ba, ai kupia liliakira ni Jisas ra wali kan.

Jan 10:16

Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Samuil 17:40

Sepad dusa ba bara walpa lalalni matsip tingni ba wina brih, ai sakbatka ra mangkan, ai praukpraukia ai mihta ra, bara Goliat mawanra taki wal ai mawan kat buan.

1 Samuil 17:43

witin ra win: —¿Dîa yang na yul, bara man dus ni ai prukaia aulma? Bara ai gâdka nina ra Debit ra lahtuban.