Sakaraya 11:6 - DAWAN BÎLA AISKA

⁶ Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Sakaraya 11:6 ပူးပေါင်းရင်းမြစ်များ

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 3:5

Lâ krikanka nani uya daukbia, upla nani, upla wala mapara, witin nani ai uplika nani pali mapara. Wahma nani ba, almuk nani ba mapara bubia, saura kulkan nani ba yamni nani ba mapara bubia.

Jirimaya 13:14

Bla takbia bara lî watla nani kalki baku kalkamna, pana pana mapara kabia, aisika nani luhpia nani sut baku daukbia. Witin nani ra luki kupi kriwan takbia apia: pâtkas umpira wimna apia; yamni kaikras lâka ra. Yang, Dawan, kasak aisisna.’ ”

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Inanka Nani 5:8

Nanara yang nani, alba nani mita wan taibi brisa, bara upla âpu sa baha nani mihta wina wan dakbi sakaia.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Oseas 1:6

Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna.

Oseas 2:10

Ai waitnika latwankira nani kaiki kaka, prâka daiki taya man swimna. ¡Upla kumi sin witin ba, mihti wina dakbi sâkbia apia!

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 6:14

Plun pi kama, sakuna aitani âmyapah taki kama apia, plun mai dauki ba ban kabia; patam wahbi kama sakuna ban alki bri kama apia. Bara ban kra wiria pan apahki swima kaka, baha sin war aiklabi ba mita sauhki tikan kabia.

Hageo 2:22

tasba kingka lâka karnika nani iwaika ba sauhki mâyara batakamni; witin nani war waginka nani ra uli ba makupamna, araska nani bara âiulrika nani ba sut sin prubia, kumi bani ai muihni sordka ra.

Sakaraya 11:14

Baha ningkara dus wala nina “Asla kaia” mâkri ba sin krikri, baha tânka Juda Israel wal ai muihni kaia lâka ba sauhki tikan sa.

Sakaraya 11:5

Sîp atki âikra nani pâtkira taki ba, ai dara walras sa, bara wauhi âiatkra nani ba wisa: ‘¡Dawan ra tingki, yang pat yuyakira sna!’ Sepadka nani pali ba sin ai sîpka nani ra umpira kaikras sa.

Sakaraya 11:9

Bara sîpka nani ra wîri: “¡Yang kli man nani sepadkam aimaki kamna apia! ¡Ya pruaia kaka, prubia si! ¡Âu, upla kum mita ikan kaka, ikbia si! ¡Bara kau pruras nani ba, pana pana ai walka wîna pi kabia!”

Sakaraya 14:13

Baha yua ra Dawan mita upla nani ba sibrin tara ni tayahkbia. Upla kumi bani ai uplika mihta ra alkbia, bara pana pana ai walka mapara ai mihta buki kabia.

Sakaraya 8:10

Naha piua kat upla nani mana bara daiwan nani mana aibapaia diara âpu sa. Waihla bâra ba mita, upla nani tilara kupia kumi lâka sin âpu sa, kan yang mita daukri upla nani ba pana pana mapara saura kaia.

Malaquía 4:6

Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.

Matiu 24:10

Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia.

Jan 19:15

Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.