Sakaraya 11:5 - DAWAN BÎLA AISKA

⁵ Sîp atki âikra nani pâtkira taki ba, ai dara walras sa, bara wauhi âiatkra nani ba wisa: ‘¡Dawan ra tingki, yang pat yuyakira sna!’ Sepadka nani pali ba sin ai sîpka nani ra umpira kaikras sa.

Sakaraya 11:5 ပူးပေါင်းရင်းမြစ်များ

2 King Nani 4:1

Mairin kum bâra kan, witin ba prapit nani kan ba tila wina kum maya, bara witin prapit Ilaidsa ra wan, bara naku ini aisi, win: —Yang mayi waitna ba pruan, bara man nu sma mayi ba Dawan ra lalukra kan. Bara nanara lalah lin mamunra kum balan, yang luhpi wâl ba alki ai albika briaia wisi.

Nihimaya 5:8

Bara witin nani ra naku wîri: “Yang nani nahki sip katna ba kat wan muihni Ju nani ba swaki sakaia daukri, upla sât wala nani ra atkan kan ba mihta wina; ¿bara nanara man nani mita kli muihkam nani ba alba kaia atkisma, bara yang nani bui witin nani ba atki pri sakaia sna ki?” Bara baku witin nani ai bîla praki sâp banhwi kan, diara kumi sin aisaia âpu kan.

Jirimaya 2:3

Israel ba yang baman mayi kan, mâ kau pain nani ba witin wina dâki kapri. Upla kum witin ra saura munuya ba ra, uplika ba klala yabi kapri pât saura nani baha uplika ra bliki. Yang, Dawan, kasak aisisna.”

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’

Isikiel 34:10

kan yang, Dawan, aisisna: Sepad nani, yang waihlam takisni bara yang sîpki nani tâwan mai aisisna; mihtam wina main kaikaia lâka ba dakbuna, man nani ba wînam kat baman main kaiki kama apia; sîpki nani ba dakbi brimna, man nani sîpki nani ba ban pi banhwi kama apia dukiara.’

Isikiel 34:21

Swapnikira nani ra man nani platukbi laihura sakram, kiapkam ni mangki sakram bara yabram plapan.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Oseas 12:9

Yang, Dawan ba, man Gâdkam sna, Idsip ra katna ba wina, yang kli maikrika tint watla ra iwi kama, upla iwras tasbaya ra yawan aikuki prawan yua nani ra takata ba baku.

Emus 2:6

Dawan naku aisisa: “Israel luhpia nani ba saura ailal pali daukan, bamna yang bui witin nani ba klala yabras ban swimna apia; upla kasakkira nani pât luha ba ra, lalah mana atkan wisa; upla umpira nani ra lika, sûs maya kum mana atkisa.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Jan 10:1

“Bamna yang kasak pali mai wisni, ani uplika sîp nani klarka ra dimaia durka ba swi si tnaya walak ni dimisa kaka, baha lika âimplikra bara upla ra rausauhki dukia dadakbra sa.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

Param Marikanka 18:13

bara sinimint, sîka kîa yamni nani, dus mâka kîa yamni nani, bara isint, wain, batana, plawar kau pain ba, plawar sin; wark takaia daiwra nani sin brih balan, sîp nani, aras nani, karita nani, alba nani, upla rayaka nani sin.

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.