Sakaraya 11:3 - DAWAN BÎLA AISKA

³ Sepad nani ba karna inisa, kan twi nani prana kata ba sut sauhki tikan bamna. Layan ihbi ba walisa Jordan lamara ai watla bri kan ba sut sauhki tikan sa bamna.

Sakaraya 11:3 ပူးပေါင်းရင်းမြစ်များ

Lawana Nani 22:21

Layanka nani ba bîla wina sin ai dakbi ai sâks; ¡bîp wainhka nani aringka ba wina, man bui yang kaini kahs!

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Isikiel 19:2

‘Yaptikam ba layan kan layan nani tilara iwi kan. Ai watla witin nani tilara daukan, bahara ai luhpia nani pakan.

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Joel 1:13

Prîs nani, Dawan altarka ra dukia dadaukra nani, man nani kwala siksa dims, bara sari tara brih, altar lamara wih ini banhs. Nanara man nani Dawankam tempelka ra piaia bara diaia prisantka nani brih waia âpu takan bamna.

Emus 8:8

¿Baha daukram ba tâka mita, tasba na tatatwan kabia apia ki? ¿Upla nani tasba purara iwi ba sut sin inbia apia ki? ¡Idsip ra Nilo awala lisamra tara uli kli rahwi ba baku, tasba na uli, lahwi kabia!

Sofonías 1:10

Dawan ba kasak aisisa: “Baha yua ra Jerusalem ra Inska Atkaia Getka ba wina upla nani ini hilp makabi kabia. Upla wala baha lamara iwi nani ba sin, ai pura mata inbia. Bara il bîla nani ba wina, diara nani kauhi binka tara taki ba wali kabia.

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Sakaraya 11:2

¡Awas dusa, man sin ins, yalam dusa ba kauhan bamna, baha dus pranakira nani kata ba sut sauhki tikan sa bamna! ¡Basán usupumka dusa nani man nani sin mâmna lulks, unta biara ra dus nani sut batakan bamna!

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.