Sakaraya 11:17 - DAWAN BÎLA AISKA

¹⁷ ¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Sakaraya 11:17 ပူးပေါင်းရင်းမြစ်များ

1 King Nani 13:4

Bara king Jeroboam ba Gâd waitnika bîla baikra sut walan, witinka Betel ra altar ba mapara karna aisin ba. Bara altar pura ba wina ai mihta sakbi win: “¡Witin ba alki silak ra mangks!” Sakuna witinka mapara ai mihta sakban ba kat karna takan, bara kli sip kruskras kata.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 44:10

Upla kum diara slilki aidul paski, bahara ai pura suni ba gâd kum ra baku, ai taimka ba bahki ra tikisa.

Aiseya 9:15

(Lal ba sika, almuk bara wihta nani ba, prapit nani kunin smalki ba, baha nani sika wâika ba.)

Jirimaya 22:1

Dawan bui ai win: “King watla ra was bara naha maisa pakanka na wis

Jirimaya 23:1

Dawan ba kasak aisisa: “¡Saura pali kabia baha sepadka nani ra, sîpki nani ba witin nani main kaikras swin ban tiwi banhwi ba!”

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Isikiel 13:3

Naku win Dawan Gâd ba: ¡Alai, prapit taniskira nani, klauna ai spiritka nina baman bliki ba, bara diara kumi sin kasak kaikras ba!

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Sakaraya 11:15

Dawan bui ai win: “Nanara man sepad kum sîp nani yamni main kaikras ba natka dauks.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 23:16

“¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Jan 9:39

Ningkara, Jisas bila: —Yang balri naha tasba ra lâ daukaia dukiara, blain nani ba diara pain brih kaikbia, bara diara pain kaiki nani ba blain takbia dukiara.

Roman 11:7

¿Baku bamna, dîa? Israel luhpia nani pliki kan ba sip sakras kan, sakuna Gâd wahbi sakan nani ba lika sakan. Wala nani ba lika kupia karna daukan,

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

1 Samuil 2:31

Piua ba pat baila pali aula sa man karnikam bara damikam nani karnika sin sut slingbamni, man tamya wina kumi sin almuk pali taki prubia apia.