Sakaraya 10:12 - DAWAN BÎLA AISKA

¹² Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Sakaraya 10:12 ပူးပေါင်းရင်းမြစ်များ

Blasi Sturka 24:40

Bara witin pana ai win: ‘Yang Dawan yabalka ra wataukisna, bamna witin mita ai insalka man wal blîkbia, bara impakankam ra yamni mai takbia, baku man luhpi maya kum pliki sâkma, yang aisiki taika nani ba tila wina.

Blasi Sturka 5:24

Henoc Gâd wal wapan bara witin tauki kan ba wina yu kum ban lap tiwan, kan Gâd mita witin ba brih wan bamna.

Aiseya 2:5

¡Jekob watla uplika, man nani bal, bara Dawan yabalka ingnika ra yawan wapi kap!

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Isikiel 30:24

Bara yang Babilon kingka ra karnika yabamna, bara sordki witin mihta ra mangkamna. King fero klahkla nani ba krikamna, bara witin brukbia, insauhkan ai dahra walbia bara ai waihla nani mawanra.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Sakaraya 10:6

Dawan naku aisisa: “Juda kiamka nani ra karnika yabamna, bara Josep kiamka nani ba swaki sakamna. Witin ai kuntrika ra waia tapahkamna, kan witin nani ra luki kupi swapni takisa. Yang bui witin nani ra lulki swiras kapri kan baku lukbia, kan yang sika witin nani ai Dawan Gâdka sna, witin nani maikabi ba yabisna.

Sakaraya 12:5

Baha kaikbia ba ra Juda wihtka nani ai mânka naku aisabia: ‘Dawan, karnika sut bri ba, Jerusalem ra iwi nani ba Gâdka sa, witin baha nani ra karnika yabisa.’

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Pilipai 4:13

Diara sut mapara karnika brisni, Kraist mita karnika aiki ba mita.

Kolosi 2:6

Baha mita, man nani nahki Dawan Jisas Kraist ra briram ba baku, witin ra asla taki iwi bas,

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

2 Timoti 2:1

Bara man, luhpi, yawan na Kraist Jisas wal asla ba mita yamnika bri ba wina karnika bris.